LUKE 1:2 - Edisana ñwed Abasi Ibom

² kpa nte mmɔ, emi ekedide mme ntiense toto ke eritɔŋɔ ye mme andikwɔrɔ ikɔ Abasi, ekayakde enɔ nnyin;

LUKE 1:2 ပူးပေါင်းရင်းမြစ်များ

MARK 1:1

ERITƆŊƆ gospel Jesus Christ, Eyen Abasi.

MARK 16:20

Ndien mmɔ ewɔŋɔ ekekwɔrɔ ikɔ ke kpukpru ebiet, Ɔbɔŋ onyuŋ anam utom ye mmɔ, onyuŋ ada mme idiɔŋɔ eke esaŋade ye erikwɔrɔ ɔsɔŋɔ ikɔ mmɔ.

MARK 4:14

Asuan-mkpasip asuan ikɔ Abasi

LUKE 24:48

Mbufo edi mme ntiense ŋkpɔ emi.

JOHN 15:27

Mbufo eyenyuŋ etiene edi ntiense enɔ Mi, koro mbufo ekodude ye Ami toto ke eritɔŋɔ.

JOHN 16:4

Edi ntiŋ mme ŋkpɔ emi nnɔ mbufo, man, ke adaŋemi edikemde ini mmɔ, mbufo ekpeti ete mma ŋkasian mbufo. Ŋkasianke mbufo mme ŋkpɔ emi ke eritɔŋɔ, sia nsuk ndodu ye mbufo.

UTOM MME APOSTLE 1:3

Enye onyuŋ ada ediwak idiɔŋɔ owut mmɔ Idem Esie nte odu-uwem, ke mkpa Esie ama ekebe, owut mmɔ Idem usen aba, onyuŋ etiŋ ŋkpɔ abaŋa Obio Ubɔŋ Abasi.

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 14:25

Ndien ke mmɔ ema ekekwɔrɔ ikɔ ke Perga, mmɔ esuhɔre edi ke Attalia;

UTOM MME APOSTLE 16:6

Ekem mmɔ esaŋa ke Phrygia ye Galatia ebe; edi Edisana Spirit ɔbiɔŋɔ mmɔ nditiŋ ikɔ ke Asia;

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

UTOM MME APOSTLE 26:16

Edi daha ke enyɔŋ, dada: koro mma nyarare idem nnɔ fi, man nnim fi nte asaŋutom ye ntiense ŋkpɔ emi okutde mi ke esit, ye ŋkpɔ emi ndidade ŋwut fi Idem Mi;

UTOM MME APOSTLE 4:20

koro nnyin mikemeke nditre nditiŋ se nnyin ikokutde inyuŋ ikopde.

UTOM MME APOSTLE 8:4

Mmɔdo mmɔ eke esuanade esaŋa ke ebiet ke ebiet ekwɔrɔ gospel.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

1 ŊWED CORINTH 4:1

YAK owo abat nnyin ntem, ete nnyin idi mme anam-utom Christ ye mme akama-ukpɔhɔre ndibe-ŋkpɔ Abasi.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.