LUKE 1:16 - Edisana ñwed Abasi Ibom

¹⁶ enye eyenyuŋ anam ediwak nditɔ Israel ekabare etiene Jehovah Abasi mmɔ.

LUKE 1:16 ပူးပေါင်းရင်းမြစ်များ

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MATTHEW 21:32

Koro John akasaŋa ke usuŋ edinem ido etiene mbufo, ndien mbufo inimke enye ke akpanikɔ; edi mme publican ye mme akpara enim enye ke akpanikɔ; ndien ke ini mbufo ekutde, ituaha mkpɔfiɔk ke ukperedem, man mbufo nde enim enye ke akpanikɔ.

LUKE 1:76

Edi afo, eyen mi, eyekere prophet Andikoŋ-ŋkan: Koro afo eyebem Ɔbɔŋ iso ndidiɔŋ usuŋ Esie;

LUKE 3:3

Ndien enye asaŋa ke ofuri ŋkan-ŋkuk Jordan edikwɔrɔ baptism erikabare esit, man efen mme idiɔk-ŋkpɔ;