LEVITICUS 8:30 - Edisana ñwed Abasi Ibom

³⁰ Ndien Moses ada ndusuk aran-nyere, ye eke iyip emi odorode ke itie-uwa, osime Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko; onyuŋ onim Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko ke edisana ŋkpɔ.

LEVITICUS 8:30 ပူးပေါင်းရင်းမြစ်များ

EXODUS 28:2

Nyuŋ nam edisana edisine-ŋkpɔ ubɔŋ ye uyai nɔ Aaron eyen-uka.

EXODUS 29:21

Ndien da ubak iyip emi odorode ke itie-uwa ye eke aran nyere, sime Aaron, ye edisine-ŋkpɔ esie ye nditɔ esie, ye edisine-ŋkpɔ nditɔ esie nde; ndien enye eyesana, ye edisine-ŋkpɔ esie, ye nditɔ esie, ye edisine-ŋkpɔ nditɔ esie nde.

EXODUS 30:30

Nyuŋ da enye yet Aaron ye nditɔ esie ke idem, nyuŋ nam mmɔ esana,

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

LEVITICUS 7:35

Emi edi udeme Aaron, ye udeme nditɔ esie, eke otode ke mme uwa ikaŋ Jehovah, ke usen eke edade mmɔ esɔk Jehovah, ete eda oku;

LEVITICUS 7:36

emi Jehovah okowukde ete ebɔ nditɔ Israel enɔ mmɔ, ke usen emi enye eyetde mmɔ aran, ke nsinsi ewuhɔ ke ofuri emana mmɔ.

LEVITICUS 8:12

Ndien enye ada aran-nyere ɔtɔhɔ Aaron ke ibuot eyet enye ntem, onyuŋ onim enye ke edisana.

NUMBERS 3:3

Mme mmɔ emi edi enyiŋ nditɔ Aaron mme oku emi ekeyerede aran, emi eyɔhɔde mmɔ ubɔk, ete eda oku.

MME HEBREW 2:11

Koro Andinam owo esana, ye mmɔ emi Enye anamde esana eto kiet: ntre ke inamke Jesus but ndikot mmɔ nditɔ-ete,

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.