LEVITICUS 8:15 - Edisana ñwed Abasi Ibom

¹⁵ Ndien ewot enye: ndien Moses emen iyip ke nnuenubɔk esie, ekeyet ke nduk itie-uwa akan okuk, onyuŋ osio itie-uwa idiɔk efep, ndien aŋwaŋa iyip ɔduɔk ke ukot itie-uwa, onyuŋ onim enye ke edisana ŋkpɔ, onyuŋ osio enye isop efep.

LEVITICUS 8:15 ပူးပေါင်းရင်းမြစ်များ

2 CHRONICLES 29:24

ndien mme oku ewot mmɔ, enyuŋ eda iyip mmɔ esime ke itie-uwa ebaŋa mme idiɔk ido, man esio isop enɔ ofuri Israel: koro edidem ɔdɔhɔde, ete ke edifɔp uwa ye uwa idiɔk ido ebaŋa ofuri Israel.

EZEKIEL 45:20

Ntem ke afo edinam ke ɔyɔhɔ usen ɔfiɔŋ itiaba abaŋa kpukpru owo eke eduede, enyuŋ edide mme ɔkɔi, ndien mbufo esio isop ufɔk efep.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

LEVITICUS 1:11

Ndien yak owot enye ke ŋkaŋ itie-uwa edem edere, ke iso Jehovah: ndien mme oku, nditɔ Aaron, eda iyip esie esime ke itie-uwa, ekenade ekuk.

LEVITICUS 1:5

Ndien yak enye owot enaŋ oro ke iso Jehovah: ndien nditɔ Aaron, mme oku, eda iyip esie edi, enyuŋ esime iyip oro ke itie-uwa emi ekperede enyin-usuŋ tent esop, ekanare ekuk.

LEVITICUS 16:20

Ndien ini enye ama osio isop edisana ebiet, ye eke efe esop, ye eke itie-uwa ama, yak enye ada ebot uwem edi:

LEVITICUS 3:2

Ndien enye ada ubɔk esie odori ke ibuot enɔ esie, onyuŋ owot enye ekpere enyin-usuŋ efe esop: ndien yak nditɔ Aaron, mme oku, esime iyip esie ke itie-uwa ekanade ekuk.

LEVITICUS 3:8

Ndien enye ada ubɔk esie odori enɔ esie ke ibuot, onyuŋ owot enye ke iso efe esop: ndien nditɔ Aaron esime iyip esie ke itie-uwa ekanade ekuk.

LEVITICUS 4:25

Ndien oku ada usuk iyip uwa idiɔk ido ke nnuenubɔk esie, eyet ke nduk itie-ufɔp uwa.

LEVITICUS 4:30

Ndien yak oku ada usuk iyip esie ke nnuen ubɔk esie, eyet ke nduk itie-ufɔp uwa, ndien aŋwaŋa ofuri iyip esie ɔduɔk ke ukot itie-uwa.

LEVITICUS 4:7

Oku onyuŋ ada iyip eyet ke nduk itie-ufɔp edinem incense emi odude ke efe esop ke iso Jehovah; onyuŋ ɔduɔk ofuri iyip enaŋ ke ukot itie-ufɔp uwa emi ekperede enyin-usuŋ efe esop.

LEVITICUS 6:30

Edi ekuta baba uwa idiɔk ido emi edade iyip esie eduk ke efe esop, ndisio isop ke esit ke edisana ebiet: yak efɔp enye ke ikaŋ.

NUMBERS 8:12

Ndien yak mme Levite eda ubɔk mmɔ edori enaŋ oro ke ibuot: ndien da kiet wa ke uwa idiɔk ido, nyuŋ da kiet eken wa ke edifɔp uwa nɔ Jehovah, man osio isop ɔnɔ mme Levite.

ŊWED MBON ROME 5:10

Koro edieke Abasi akadade mkpa Eyen Esie esin emem ke ufɔt nnyin ye Idem Esie ke adaŋemi nnyin ikedide mme asua, ŋwaŋwaediso, sia ima ikabare itie ke emem ye Enye, ke Abasi eyeda uwem Eyen Esie anyaŋa nnyin.

ŊWED MBON EPHESUS 2:16

okponyuŋ ada cross Esie anam nnyin ke edem mbiba itie ke emem ye Abasi nte owo kiet, ke Enye ama akada cross owot usua oro kufɔt nnyin.

MME HEBREW 2:17

Mmɔdo odotde nte enam Enye ebiet nditɔ-ete Esie kpukpru ŋkpɔ, man Enye ekpedi Akwa Oku emi atuade owo mbɔm, onyuŋ anamde akpanikɔ ke ŋkpɔ eke abaŋade Abasi, okponyuŋ osio isop abaŋa mme idiɔk-ŋkpɔ mbio-mbio.