LEVITICUS 8:14 - Edisana ñwed Abasi Ibom

¹⁴ Ndien enye ada enaŋ uwa idiɔk ido edi; ndien Aaron ye nditɔ esie eda ubɔk edori enaŋ uwa idiɔk ido ke ibuot.

LEVITICUS 8:14 ပူးပေါင်းရင်းမြစ်များ

ŊWED MME PSALM 66:15

Nyeda edisehe ufene ye incense okukim mfɔp nnɔ fi mfuri; nyewa enaŋ ye okpo ebot. [Selah.]

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

EZEKIEL 43:19

Ndien da enye nɔ mme oku mme Levite emi edide ubon Zador, emi esaŋade ekpere mi ndinam ŋkpɔ mi, abak-enaŋ eyen ufene ke uwa idiɔk ido: uyo Ɔbɔŋ Jehovah edi emi.

EZEKIEL 43:20

Nyuŋ da ubak iyip esie yet ke nduk esie mbinaŋ, ye ke inuk settle oro mbinaŋ, ye ke mben kanade kuk: ntem ke afo edinam enye asana, onyuŋ osio isop esie efep.

EZEKIEL 44:27

Ndien ke usen eke enye odukde ke edisana ebiet, ke esa, ndinam ŋkpɔ ke edisana ebiet, yak enye awa uwa idiɔk ido esie. Uyo Ɔbɔŋ Jehovah edi emi.

LEVITICUS 1:4

Ndien yak enye ada ubɔk esie odori edifɔp uwa ke ibuot; ndien enye akabare edi se idinamde enye enem Jehovah esit, ndisio isop esie.

LEVITICUS 16:21

ndien Aaron ada ubɔk esiemɔ mbiba odori odu uwem ebot ke ibuot, onyuŋ ada enye ke enyɔŋ ayarare kpukpru mme idiɔk ido nditɔ Israel, ye kpukpru mme ukwaŋ-ŋkpɔ mmɔ, ye kpukpru mme idiɔk-ŋkpɔ mmɔ, ada mmɔ odori ebot oro ke ibuot, ndien esin enye ke ubɔk owo eke adade ebet, ete ada enye akayak ke wilderness.

LEVITICUS 16:6

Ndien yak Aaron ada abak enaŋ uwa idiɔk ido emi edide eke idem esie, ediwa, onyuŋ osio isop idem esie, ye eke ufɔk esiemɔ.

LEVITICUS 4:15

Ndien mbiowo esop eda ubɔk mmɔ edori abak enaŋ oro ke ibuot ke iso Jehovah: ndien yak owo owot enaŋ ke iso Jehovah.

LEVITICUS 8:2

ye aran-nyere, ye abak ayara enaŋ uwa idiɔk ido, ye okukim iba, ye akpan uyo eke leaven miduhe;

NUMBERS 8:12

Ndien yak mme Levite eda ubɔk mmɔ edori enaŋ oro ke ibuot: ndien da kiet wa ke uwa idiɔk ido, nyuŋ da kiet eken wa ke edifɔp uwa nɔ Jehovah, man osio isop ɔnɔ mme Levite.

ŊWED MBON ROME 8:3

Koro se ibet mikikemeke ndinam, ke emi obukidem esinde enye edi mmem-mmen, Abasi akanam; ke emi Enye osiode Eyen Esie ɔdɔŋ ke mbiet obukidem idiɔk-ŋkpɔ, onyuŋ adade Enye nte isop, anam ikpe obiom idiɔk-ŋkpɔ ke obukidem Esie:

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.