LEVITICUS 7:35 - Edisana ñwed Abasi Ibom

³⁵ Emi edi udeme Aaron, ye udeme nditɔ esie, eke otode ke mme uwa ikaŋ Jehovah, ke usen eke edade mmɔ esɔk Jehovah, ete eda oku;

LEVITICUS 7:35 ပူးပေါင်းရင်းမြစ်များ

EXODUS 28:1

NDIEN afo sio Aaron eyen-uka, ye nditɔ-iren esie ŋko, ke otu nditɔ Israel, dian idem, man mmɔ eda oku mi, kpa Aaron, ye Nadab, ye Abihu, ye Eleazar, ye Ithamar nditɔ Aaron

EXODUS 29:1

NDIEN ŋkpɔ emi ke afo edinam ye mmɔ ndinam mmɔ esana, man eda oku mi: da abak enaŋ kiet, ye okukim erɔŋ iba eke efɔŋde ema,

EXODUS 29:21

Ndien da ubak iyip emi odorode ke itie-uwa ye eke aran nyere, sime Aaron, ye edisine-ŋkpɔ esie ye nditɔ esie, ye edisine-ŋkpɔ nditɔ esie nde; ndien enye eyesana, ye edisine-ŋkpɔ esie, ye nditɔ esie, ye edisine-ŋkpɔ nditɔ esie nde.

EXODUS 29:7

Ndien da aran nyere tɔhɔ enye ke ibuot, yet enye ntem.

ISAIAH 10:27

Ndien ama ekem ke usen oro, eyebiomore fi mbiomo esie ke afara efep, ye ɔkpɔnɔ esie ke itɔŋ, nte ɔkpɔnɔ abiarade efep ke iso (enaŋ) ubom.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

LEVITICUS 8:30

Ndien Moses ada ndusuk aran-nyere, ye eke iyip emi odorode ke itie-uwa, osime Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko; onyuŋ onim Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko ke edisana ŋkpɔ.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

2 ŊWED CORINTH 1:21

Ndien Andinam nnyin ye mbufo isɔŋɔ ida ke ŋkpɔ Christ, ye Andinim nnyin ke itie nnyin, edi Abasi;

1 JOHN 2:20

Edi Enye emi edide Edisana ama aŋwaŋa Spirit mbufo ke idem, kpukpru mbufo emenyuŋ efiɔk akpanikɔ.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

1 SAMUEL 2:28

Ŋkonyuŋ mmek enye ŋko ke otu kpukpru mme esien Israel, nnim ke oku mi, man enye ɔfɔp uwa ke itie uwa mi, onyuŋ ɔfɔp incense, onyuŋ esine ephod ke iso mi. Ŋkonyuŋ nda kpukpru mme uwa ikaŋ nditɔ Israel nnɔ ufɔk usɔ.