LEVITICUS 7:25 - Edisana ñwed Abasi Ibom

²⁵ Ke adaŋemi owo ekededi atade ikpɔŋ eke otode ke unam eke esiode enye uwa ikaŋ enɔ Jehovah, yak esibe owo eke atade ke oruk esie efep.

LEVITICUS 7:25 ပူးပေါင်းရင်းမြစ်များ

GENESIS 17:14

Ndien ama edi owo edut emi misibeke enye edut ifep, yak esibe ukpɔŋ oro efep ke oruk esie; enye abiat ediomi mi.

EXODUS 29:25

Ndien bɔ mmɔ ŋkpɔ oro ke ubɔk, kɔfɔp ke itie-uwa kɔrɔ ke edifɔp uwa, ke edinem utebe ke iso Jehovah, enye edi uwa ikaŋ Jehovah.

LEVITICUS 3:17

Emi edidi nsinsi ewuhɔ ke ofuri emana mbufo, ke kpukpru ebiet eke mbufo eduŋde: mbufo ekuta baba ikpɔŋ, ekunyuŋ edia iyip.

LEVITICUS 7:20

Ndien edieke owo adade ndek ke idem esie, akata unam uwa emem eke enyenede Jehovah, yak esibe owo oro efep ke oruk esie.

LEVITICUS 7:21

Ndien ŋko ŋko adaŋemi owo otukde ndek ekededi, edide ndek owo, onyuŋ edide ndek edidehe unam, onyuŋ edide ndek ŋkpɔ ekededi, eke edehede, ndien aka akata unam uwa emem eke enyenede Jehovah, yak esibe owo oro efep ke oruk esie.

LEVITICUS 7:24

Ndien yak eda ikpɔŋ unam eke akpade ikpɔŋ, ye ikpɔŋ unam eke ewaide, enam oruk utom ekededi: edi mbufo ekuta enye baba.

LEVITICUS 7:26

Mbufo ekunyuŋ edia baba iyip ke iduŋ mbufo ndomo kiet, edide eke inuen, onyuŋ edide eke ufene.

LEVITICUS 7:27

Owo ekededi ama adia iyip ekededi, yak esibe owo oro efep ke otu oruk esie.