LEVITICUS 7:18 - Edisana ñwed Abasi Ibom

¹⁸ Ndien edieke editade unam uwa emem esie ke ɔyɔhɔ usen ita, enye idinemke (Jehovah), idinyuŋ ibatke enye inɔ andiwa; enye eyedi ŋkpɔ ndek, ndien ukpɔŋ eke editade enye edida ufen esie.

LEVITICUS 7:18 ပူးပေါင်းရင်းမြစ်များ

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

ISAIAH 65:4

emi etiede ke mme udi, enyuŋ edaŋde ke ndibe ebiet ke okoneyo, eta unam edi, ndien ŋkpri mbai edidehe unam edu ke eso mmɔ; emi edɔhɔde, ete,

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

EZEKIEL 18:20

Edi ukpɔŋ eke anamde idiɔk eyekpa. Eyen idibiomke ufen ete esie; ete idinyuŋ ibiomke ufen eyen esie; edinen ido edinen owo eyedoro enye ke idem; idiɔk ido idiɔk owo eyenyuŋ odoro enye ke idem.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

LEVITICUS 10:17

Enam didie mbufo mitaha uwa idiɔk ido ke edisana ebiet: koro enye edide ata edisana? Enye (Abasi) ama onyuŋ ada enye ɔnɔ mbufo ete, Mbufo ebiom idiɔk ido ofuri esop, man esio isop enɔ mmɔ ke iso Jehovah.

LEVITICUS 10:19

Ndien Aaron ɔdɔhɔ Moses, ete, Sese, mmɔ ekeda uwa idiɔk ido mmɔ ye edifɔp uwa mmɔ edi ke iso Jehovah mfin emi; ndien oruk ŋkpɔ emi emenam mi: ndien, ŋkpata uwa idiɔk ido mfin emi, ekpenem Jehovah?

LEVITICUS 11:41

Ndien ama edi kpukpru andinyɔni eke enyɔnide ke isɔŋ, mmɔ edi ŋkpɔ ndek; owo okuta mmɔ.

LEVITICUS 17:16

Edi ke mmɔ miyetke edisine-ŋkpɔ mmɔ, minyuŋ iyetke idem mmɔ ke mmɔŋ; yak mmɔ ebiom ndien ukwaŋ-ŋkpɔ mmɔ.

LEVITICUS 19:5

Ndien ŋko ke ini mbufo ewade uwa emem enɔ Jehovah, ewa enye ke ima esit mbufo.

LEVITICUS 20:17

Ndien edieke owo adade eyen-ete esie aŋwan mme eyen-eka esie aŋwan, onyuŋ okutde enye iferi, enye (ŋwan) onyuŋ okutde enye eken iferi ŋko-ŋko; ke edi oburobut ŋkpɔ; yak ewot mmɔ ke iso nditɔ obio mmɔ: enye ɔmɔfuhɔre eyen-eka esie iferi: yak enye obiom idiɔk ido esie.

LEVITICUS 20:19

Kunyuŋ ufuhɔre eyen-eka uka iferi, ye iferi eyen eka usɔ; koro enye ɔfuhɔrede oruk esiemɔ iferi: yak mmɔ ebiom idiɔk ido mmɔ.

LEVITICUS 22:16

ekunyuŋ esin mmɔ ebiom ukwaŋ-ŋkpɔ isop, ke ini mmɔ ediade edisana ŋkpɔ mmɔ: koro edi ami Jehovah nnim mmɔ ke edisana.

LEVITICUS 22:23

Edi afo emekeme ndida enaŋ, mme eyen erɔŋ eke edide utibe, ŋwa ke ŋkpɔ ima esit; edi ama edi akaŋa, idibɔhɔ fi.

LEVITICUS 22:25

Mbufo ekunyuŋ ebɔ esen owo baba oruk ŋkpɔ emi kiet ke ubɔk, ewa uyo Abasi mbufo: koro mbiara odude ke esit, mmɔ ebiomo ndo: idibɔhɔ mbufo ŋkpɔ oro ke ubɔk.

LEVITICUS 5:17

Ndien edieke owo eduede, onyuŋ abiat mbet Jehovah ekededi, eke mikpanamke, ndien mifiɔkke, onyuŋ edue isop, ndien enye obiomo idiɔk ido esie.

LEVITICUS 7:19

Ndien ama edi unam eke otukde ŋkpɔ ekededi eke edehede, owo okuta enye; yak efɔp enye ke ikaŋ: ndien ama edi unam (eken) oro, kpukpru owo eke esanade edita unam oro.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

MALACHI 1:13

Mbufo enyuŋ edɔhɔ, ete, Sese, ke efek owo didie! Mbufo enyuŋ ebat enye ke mbio, Jehovah mme udim ɔdɔhɔ; mbufo enyuŋ eda ŋkpɔ ŋkanubɔk, ye mbuŋɔ, ye se idɔŋɔde, edi, enyuŋ eda inuak-udia edi: nte nyenyime ndibɔ enye ke ubɔk mbufo? Jehovah ɔdɔhɔ.

NUMBERS 18:27

Ndien yak ebat edimenere uwa mbufo enɔ mbufo, kpa nte ibokpot eke otode ke ɔtɔ ubek ibokpot, ye nte se iyɔhɔde ke ɔtɔ unyimi wine.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

ŊWED MBON ROME 4:11

ndien enye ɔkɔbɔ mbobi nte idiɔŋɔ, ndinam edinen ido mbuɔtiden emi enye ekenyenede ke ini enye minaŋa mbobi kaŋa ɔsɔŋɔ ada; man oto do enye ekpedi ete kpukpru mmɔ emi ebuɔtde idem, okposuk edi nte mmɔ minaŋa mbobi, man ebat edinen ido enɔ mmɔ;

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.