LEVITICUS 5:7 - Edisana ñwed Abasi Ibom

⁷ Ndien edieke ubɔk mikemke enye ke eke ŋkpri ufene, yak enye ada mbomoŋkuku iba, mme nditɔ ibiom iba, ɔsɔk Jehovah, ke isop esie emi enye eduede; kiet ke uwa idiɔk ido, ye kiet eken ke edifɔp uwa.

LEVITICUS 5:7 ပူးပေါင်းရင်းမြစ်များ

LEVITICUS 12:6

Ndien ke ekemde ke usen eke enye asanade, edide eke eyen-eren, onyuŋ edide eke eyen-aŋwan, yak enye ada eyen erɔŋ isua kiet ke edifɔp uwa, ye eyen ibiom, mme mbomoŋkuku, ke uwa idiɔk ido, edi ke enyin-usuŋ efe esop, edisɔk oku:

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 14:30

Ndien yak enye awa mbomo ŋkuku oro kiet, mme eyen ibiom kiet, eke ubɔk ekemde enye;

LEVITICUS 14:31

kpa oro ubɔk ekemde enye, kiet ke uwa idiɔk ido, ye kiet eken ke edifɔp uwa, ɔkɔrɔ ye uwa udia: ntre ke oku osio isop ɔnɔ owo emi enamde enye asana ke iso Jehovah.

LEVITICUS 15:30

Ndien oku awa kiet ke uwa idiɔk ido, ye kiet eken ke edifɔp uwa; ntre ke oku edisio isop ɔnɔ ke iso Jehovah ke ikɔ eriwɔrɔ ndek esie.

LEVITICUS 16:5

Ndien yak enye ɔbɔ esop nditɔ Israel okpo ebot iba ke uwa idiɔk ido, ye okukim erɔŋ kiet ke edifɔp uwa.

LEVITICUS 27:8

Edi edieke enye ebuenede akan ke ekɔm-urua fo, yak enim enye ke iso oku, ndien oku ɔkɔm urua ɔnɔ enye; yak oku ɔkɔm ɔnɔ andikaŋa nte ubɔk esie edikemde.

LEVITICUS 5:11

Edi edieke ubɔk mikemke enye ke mbomoŋkuku iba, mme nditɔ ibiom iba; ndien yak andidue ada omer eti ndom-uyo kiet ke enɔ eise, ke uwa idiɔk ido, edi enye okusin aran ke esit, okunyuŋ adian frankincense ke esit: koro enye edide uwa idiɔk ido.

LEVITICUS 7:1

NDIEN emi onyuŋ edi ewuhɔ uwa isop: enye edi ata edisana.

LEVITICUS 9:3

Nnyuŋ dɔhɔ nditɔ Israel, ete, mbufo eda okpo ebot ke eke uwa idiɔk ido, ye eyen enaŋ ye eyen erɔŋ isua kiet eke efɔnde ema, ke edifɔp uwa; ye abak ayara enaŋ ŋko,

NUMBERS 5:6

Ke ini eren mme ŋwan edinamde idiɔk ido ekededi eke owo akam anamde, onyuŋ abiat mbet Jehovah, owo oro onyuŋ edue isop;

NUMBERS 6:10

Ndien ekem ke ɔyɔhɔ usen itiaita, yak enye ada mbomo ŋkuku iba, mme nditɔ ibiom iba, ɔsɔk oku, ke enyin-usuŋ efe esop:

NUMBERS 6:11

ndien yak oku awa kiet ke uwa idiɔk ido, ye kiet eken ke edifɔp uwa, onyuŋ osio isop ɔnɔ enye: koro enye ama ekedue ke ikɔ akpa-mkpa; ndien anam ibuot esie asana ke usen oro.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

MATTHEW 21:12

Ndien Jesus oduk ke temple Abasi, onyuŋ ebin kpukpru mmɔ eke enyamde ŋkpɔ enyuŋ edepde ŋkpɔ ke temple efep, onyuŋ onuk mme okpokoro mme ɔkpuhɔ okuk ɔduɔk, ye mme itie mme anyam ibiom;

MATTHEW 3:16

Ekem John onyime ɔnɔ Enye. Edi ke ini Jesus akanade baptism ama, kpa idaha oro Enye ɔwɔrɔ ke mmɔŋ ɔdɔk: ndien sese, enyɔŋ eberere ɔnɔ Enye, Enye onyuŋ okut Spirit Abasi ɔsuhɔrede nte ibiom edidoro Enye ke idem;

LUKE 2:24

ndinyuŋ ŋwa uwa, nte ibet Jehovah etemede, mbomo ŋkuku iba, me nditɔ ibiom iba.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.