LEVITICUS 5:4 - Edisana ñwed Abasi Ibom

⁴ Mme edi eke owo ɔsɔpde inua ɔŋwɔŋɔ ete imɔ iyenam idiɔk, mme inyuŋ inam eti, se isuk ididi eke owo edisɔpde inua asiak ke uŋwɔŋɔ, ndien odibe enye; adaŋemi enye edifiɔkde, enye enyene isop ndien ke emi kiet.

LEVITICUS 5:4 ပူးပေါင်းရင်းမြစ်များ

2 SAMUEL 21:7

Edi edidem ɔkpɔŋ Mephibosheth, eyen Jonathan, eyen Saul, abaŋa uŋwɔŋɔ Jehovah oro okodude ke ufɔt mmɔ, kpa ke ufɔt David ye Jonathan eyen Saul.

2 NDIDEM 6:31

Yak Abasi anam mi ntem, onyuŋ anam aka iso, edieke ibuot Elisha eyen Shaphat edisuk adade enye ke idem mfin emi.

ŊWED MME PSALM 106:33

koro mmɔ eyatde enye esit, ndien enye ɔsɔp inua ɔdɔhɔ ikɔ.

LEVITICUS 5:13

Ntem ke oku edisio isop esie abaŋa ndudue esie emi enye eduede ke ŋkpɔ emi kiet; ndien eyefen enye: ndien yak oku ada se isuhɔde, nte inuak-udia.

LEVITICUS 5:3

Mme onyuŋ edieke enye otukde ndek owo, ke ndek ekededi eke owo edehede ke esit, onyuŋ edibe enye; ke ini enye edifiɔkde, enye enyene isop.

NUMBERS 30:6

Ndien edieke enye edide ŋwan owo, ndien akaŋa akaŋa, mme ada inua esie etiŋ se enye adade ebet idem esie ibet;

NUMBERS 30:8

Edi edieke ebe esie akpande enye, ke usen emi enye okopde; ntem ke enye abiat akaŋa esie emi enye akaŋade, ye ŋkpɔ oro okotode enye ke inua, emi enye adade ebet idem esie: ndien Jehovah eyedahado ɔnɔ enye.

MATTHEW 14:7

ntre ke enye otomo ŋkpɔ, onyuŋ ɔŋwɔŋɔ ete, iyenɔ eyen-aŋwan oro se ededi eke enye edibeŋede.

MATTHEW 14:9

Ndien edidem ayat esit; edi ke ntak uŋwɔŋɔ esie, ye mmɔ emi etiede ke itie-udia ye enye, enye ɔnɔ uyo ete eda esɔk enye:

MARK 6:23

Ŋkpɔ ekededi eke edibeŋede ke nyenɔ fi, ekpedi idem ubak edem kiet ubɔŋ.

UTOM MME APOSTLE 23:12

Edi ke ini eyo esierede, mme Jew eduk odu, eda uŋwɔŋɔ ewuk idem mmɔ, ete mme imɔ ididiaha ŋkpɔ inyuŋ iŋwɔŋke ŋkpɔ ibɔhɔke ini iwot Paul.

JOSHUA 2:14

Ndien mbon oro edɔhɔ enye, ete, Uwem nnyin etie ke ibuot mbufo ke idem mkpa, edieke mbufo midiyarakede ŋkpɔ nnyin emi. Ndien ama ekem, adaŋemi Jehovah edinɔde nnyin isɔŋ emi, nnyin iyefɔn fi mfɔn ye akpanikɔ.

JOSHUA 9:15

Ndien Joshua ekpe emem ye mmɔ, onyuŋ odiomi ediomi ye mmɔ, ete inim mmɔ uwem: mbɔŋ esop enyuŋ eŋwɔŋɔ enɔ mmɔ.

JUDGES 11:31

esin mi ke ubɔk, ama ekem, andiwɔrɔ eke ediwɔrɔde ke enyin-usuŋ ufɔk mi, idi ndisobo ye ami, ke adaŋemi nditode ke ɔtɔ nditɔ Ammon mfiak ndi ke ifure, iditreke ndinyene Jehovah, ndien nyewa enye ke edifɔp uwa.

JUDGES 21:18

Edi nnyin ikwe nte idade nditɔ-iban nnyin inɔ mmɔ edɔ: koro nditɔ Israel ekewukde ete, Idifɔnke fɔn inɔ owo eke ɔnɔde Benjamin ŋwan.

JUDGES 21:7

Nnyin idinam didie ke ikɔ iban ye mme mmɔ emi esuhɔre: koro nnyin iketomode Jehovah, ite ke nnyin ididaha nditɔ-iban nnyin inɔ mmɔ edɔ?

JUDGES 9:19

ndien edieke mbufo enamde akpanikɔ ye esit kiet enɔ Jerubbaal ye ufɔk esie mfin emi, mbufo edara Abimelech, yak enye onyuŋ adara mbufo:

1 SAMUEL 1:11

Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.

1 SAMUEL 25:22

Abasi osuk anam ntre ɔnɔ mme asua David, onyuŋ anam ntre aka iso, ke mma ŋkpɔŋ eyen-eren kiet ke otu kpukpru se enye enyenede, ke eyo esierede.