LEVITICUS 5:2 - Edisana ñwed Abasi Ibom

² Mme onyuŋ edi owo eke otukde edidehe ŋkpɔ ekededi, edide okpo edidehe unam, onyuŋ edide okpo edidehe ufene, onyuŋ edide okpo edidehe andinyɔni, ndien ama odibe enye, enye edehe, onyuŋ enyene isop.

LEVITICUS 5:2 ပူးပေါင်းရင်းမြစ်များ

ŊWED MME PSALM 19:12

Anie ekeme ndidiɔŋɔ ndudue esiemɔ? Nam mi nsana mbɔhɔ mmɔ eke edibede.

ISAIAH 52:11

Mbufo edaŋa! edaŋa! ewɔŋɔ ke esit! ekutuk ŋkpɔ ndek: ewɔŋɔ enye ke ufɔt; mbufo emi ebiomde ŋkpɔ utom Jehovah, enam idem mbufo esana.

LEVITICUS 11:11

mbufo ese mmɔ ke ŋkpɔ ndek; ekuta unam mmɔ, edi ese okpo mmɔ ke ŋkpɔ ndek.

LEVITICUS 11:8

Mbufo ekuta unam mmɔ baba, ekunyuŋ etuk okpo mmɔ, mbufo ese mmɔ ke edidehe.

LEVITICUS 4:13

Ndien edieke ofuri esop Israel eduede, mikoho koi, ŋkpɔ oro onyuŋ odibe esop, mmɔ enyuŋ edue mbet Jehovah ekededi, eke mikpanamke, ndien enyene isop;

LEVITICUS 5:17

Ndien edieke owo eduede, onyuŋ abiat mbet Jehovah ekededi, eke mikpanamke, ndien mifiɔkke, onyuŋ edue isop, ndien enye obiomo idiɔk ido esie.

LEVITICUS 5:3

Mme onyuŋ edieke enye otukde ndek owo, ke ndek ekededi eke owo edehede ke esit, onyuŋ edibe enye; ke ini enye edifiɔkde, enye enyene isop.

LEVITICUS 5:4

Mme edi eke owo ɔsɔpde inua ɔŋwɔŋɔ ete imɔ iyenam idiɔk, mme inyuŋ inam eti, se isuk ididi eke owo edisɔpde inua asiak ke uŋwɔŋɔ, ndien odibe enye; adaŋemi enye edifiɔkde, enye enyene isop ndien ke emi kiet.

LEVITICUS 7:21

Ndien ŋko ŋko adaŋemi owo otukde ndek ekededi, edide ndek owo, onyuŋ edide ndek edidehe unam, onyuŋ edide ndek ŋkpɔ ekededi, eke edehede, ndien aka akata unam uwa emem eke enyenede Jehovah, yak esibe owo oro efep ke oruk esie.

HAGGAI 2:13

Ndien Haggai ɔdɔhɔ, ete, Edieke owo eke okpo owo asabarede enye, otuk ŋkpɔ emi ekededi, nte enye eyedehe?

NUMBERS 19:22

Ndien kpukpru se andidehe otukde eyedehe; ndien ukpɔŋ eke onyuŋ otukde enye, edidi edidehe tutu osim mbubreyo.

LUKE 11:44

Eyedɔdiɔk ɔnɔ mbufo! koro mbufo ebietde udi eke edibede, eke owo emi esaŋade ke enyɔŋ mmɔ midiɔŋɔke.

2 ŊWED CORINTH 6:17

Mmɔdo, Jehovah ɔnɔ uyo ete, Ewɔŋɔ ke otu mmɔ, enyuŋ edianare eda. Ekunyuŋ etuk ŋkpɔ ndek baba kiet; Ndien nyedara mbufo,

DEUTERONOMY 14:8

Mbufo enyuŋ enim edi ke ŋkpɔ ndek: koro enye abaharede ikpat, edi mikpɔhike ita: mbufo ekuta unam mmɔ, ekunyuŋ etuk okpo mmɔ.