LEVITICUS 5:16 - Edisana ñwed Abasi Ibom

¹⁶ ntre ke enye edisio usiene edisana ŋkpɔ emi enye abiatde, onyuŋ ada ɔyɔhɔ ubak ition odori ke esit, emen ɔnɔ oku: ntre ke oku edisio isop esie ke okukim uwa ndudue, ndien eyefen enye.

LEVITICUS 5:16 ပူးပေါင်းရင်းမြစ်များ

ŊWED MME PSALM 69:4

Mmɔ eke esuade mi ke ikpikpu ewak ekan idet ibuot mi: nsu nsu mme asua mi emi eyomde ndisobo mi, esɔŋɔ: ndien mmenyene ndiyak se mmeŋkobumeke.

EXODUS 22:1

EDIEKE owo oyipde mme enaŋ, mme erɔŋ, onyuŋ owotde wot, mme onyuŋ anyamde nyam; yak enye ɔnɔ enaŋ ition ke usiene enaŋ kiet, ye erɔŋ inaŋ ke usiene erɔŋ kiet.

LEVITICUS 22:14

Ndien edieke owo adiade edisana ŋkpɔ ke ndudue, yak enye ɔkɔrɔ ɔyɔhɔ ubak ition ke esit, ndien ada edisana ŋkpɔ oro ɔsɔk oku.

LEVITICUS 27:13

Edi edieke enye oyomde ndifak enye, yak enye ada ɔyɔhɔ ubak esie ition ɔkɔrɔ ke ekɔm-urua fo.

LEVITICUS 27:15

Ndien edieke andidianare oyomde ndifak ufɔk esie, yak enye ada ɔyɔhɔ ubak ition okuk emi afo ɔkɔmde, ɔkɔnɔ ke esit, ndien edidi esie.

LEVITICUS 27:27

Ndien enye ama edi akpa eyen unam eke edide edidehe, yak andinyene afak enye ke ekɔm-urua fo, onyuŋ ada ɔyɔhɔ ubak ition ɔkɔrɔ ke esit: ndien ke mifakke, yak enyam enye ke ekɔm-urua fo.

LEVITICUS 27:31

Ndien edieke owo oyomde ndifak ubak kiet ke itie duop oro, yak enye ada ɔyɔhɔ ubak ition ɔkɔrɔ ke esit.

LEVITICUS 4:20

Yak enye onyuŋ anam enaŋ emi, kpa nte emi enye anamde enaŋ uwa idiɔk ido (eken); yak enye anam kpasuk ntre ye enye emi: ntem yak oku osio isop mmɔ, ndien eyefen mmɔ.

LEVITICUS 4:26

Ndien yak enye ɔfɔp ofuri ikpɔŋ esie ke itie-uwa, kpa nte efɔpde ikpɔŋ uwa emem; oku onyuŋ osio isop idiɔk ido esie, ndien eyefen enye.

LEVITICUS 5:10

Ndien enye edida eken anam edifɔp uwa, nte ekam esinamde: ntem ke oku edisio isop esie abaŋa ndudue esie emi enye eduede, ndien eyefen enye.

LEVITICUS 5:13

Ntem ke oku edisio isop esie abaŋa ndudue esie emi enye eduede ke ŋkpɔ emi kiet; ndien eyefen enye: ndien yak oku ada se isuhɔde, nte inuak-udia.

LEVITICUS 5:6

ndien yak enye ada isop esie edisɔk Jehovah, abaŋa ndudue esie emi enye eduede, uman eke otode ke ŋkpi ufene, edide eyen erɔŋ, onyuŋ edide eyen ebot ke uwa idiɔk ido; ndien oku edisio isop esie abaŋa ndudue esie.

LEVITICUS 7:2

Ke ɔtɔ emi ewotde edifɔp uwa ke ediwot uwa isop: ndien owo osime iyip esie ke itie-uwa akanade okuk.

NUMBERS 5:7

yak mmɔ eyarare ndien idiɔk ido oro mmɔ ekenamde: ndien yak enye ada iso ŋkpɔ oro enye eduede isop, onyuŋ ɔkɔrɔ ɔyɔhɔ ubak ition ke esit, ndien emen enye ɔnɔ owo oro enye ekeduede.

NUMBERS 5:8

Edi owo oro minyeneke owo eke akpafakde enye, man enye (eken) osio isop oro ɔnɔ enye, yak enye osio isop oro ɔnɔ Jehovah, ɔnɔ oku; ɔkɔrɔ ye okukim usio-isop, eke edade esio isop enɔ enye.

LUKE 19:8

Edi Zacchaeus adaha ada, onyuŋ ɔdɔhɔ Ɔbɔŋ ete, Ɔbɔŋ, ke nɔnɔ mme ubuene ubak inyene mi; onyuŋ edieke ŋkɔbɔde owo ŋkpɔ ke ŋkanubɔk, nsosio usiene utim ikanaŋ.

UTOM MME APOSTLE 26:20

edi mbem kaŋa iso ŋkwɔrɔ nnɔ mbon Damascus, ye mbon Jerusalem, ye ofuri isɔŋ Judaea, ye mme Gentile nde, nte mmɔ ekabare esit ewɔŋɔre etiene Abasi, enyuŋ enam utom eke odotde erikabare esit.

1 SAMUEL 6:3

Ndien mmɔ ebɔrɔ, ete, Edieke mbufo enamde ekebe Abasi Israel ɔnyɔŋ, ekunam enye ɔnyɔŋ ubɔk-ubɔk; ekutre ndinɔ ŋkpɔ usio-isop esɔk enye: ndien mbufo eyekop idem, enyuŋ efiɔk se ikanamde enye okudorore mbufo ubɔk.