LEVITICUS 4:32 - Edisana ñwed Abasi Ibom

³² Ndien edieke enye adade eyen erɔŋ ke enɔ esie edi ke eke ndudue oro, yak enye ada uman eke ɔfɔnde ama ɔsɔk.

LEVITICUS 4:32 ပူးပေါင်းရင်းမြစ်များ

EXODUS 12:3

Mbufo edɔhɔ ofuri esop Israel, ete, Ke ɔyɔhɔ usen ɔfiɔŋ emi duop, yak kpukpru owo kiet kiet eda eyen ufene ke idem mmɔ enɔ ufɔk ete, eyen ufene kiet ke ufɔk kiet

EXODUS 12:5

Yak eyen ufene mbufo ɔfɔn ama, edi ayara, osim isua kiet: mbufo esioŋo enye edide ke erɔŋ, onyuŋ edide ke ebot.

ISAIAH 53:7

Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 4:28

edieke eyararede ndudue esie emi enye eduede, enɔ enye; yak enye ada ndien enɔ esie edi, uman ebot kiet eke ɔfɔnde ama, abaŋa ndudue esie emi enye eduede.

LEVITICUS 5:6

ndien yak enye ada isop esie edisɔk Jehovah, abaŋa ndudue esie emi enye eduede, uman eke otode ke ŋkpi ufene, edide eyen erɔŋ, onyuŋ edide eyen ebot ke uwa idiɔk ido; ndien oku edisio isop esie abaŋa ndudue esie.

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 1:36

onyuŋ ɔdɔhɔ ete, Sese, Eyen-erɔŋ Abasi!

ŊWED MBON EPHESUS 5:27

anam enye asana; man akpada enye ɔnɔ Idem Esie nte ufɔk Abasi emi ɔyɔhɔde ye ubɔŋ, minyuŋ inyeneke ntɔi mme eriŋwine mme oruk ŋkpɔ eke etiede ntre; edi man enye asana onyuŋ anana ndo.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.