LEVITICUS 4:31 - Edisana ñwed Abasi Ibom

³¹ Ndien yak enye osio ofuri ikpɔŋ esie efep, kpa nte esiode ikpɔŋ uwa emem; ndien oku ada enye ɔfɔp ke itie-uwa ɔnɔ Jehovah ke edinem utebe; ntre ke oku edisio isop esie, ndien eyefen enye.

LEVITICUS 4:31 ပူးပေါင်းရင်းမြစ်များ

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

EZRA 6:10

man mmɔ ewa uwa eti utebe enɔ Abasi enyɔŋ, enyuŋ enam mkpe-ubɔk enɔ uwem edidem, ye eke nditɔ esie.

ŊWED JOB 42:8

Mbufo eda ndien enaŋ itiaba, ye okukim itiaba, ke idem mbufo, ndien eka ke ebiet owo mi Job, ekewa edifɔp uwa ebaŋa idem mbufo; ndien owo mi Job edinam mkpe-ubɔk ɔnɔ mbufo: koro nyekop nnɔ enye: mbak ami ndinɔ mbufo ufen ndisime ido mbufo: koro mbufo mikɔdɔhɔke se inende ibaŋa mi, nte emi owo mi Job.

EXODUS 29:18

Ndien fɔp ofuri okukim oro ke itie-uwa: enye edi edifɔp uwa Jehovah: enye edi edinem utebe, uwa ikaŋ Jehovah.

ISAIAH 42:21

Esit enem Jehovah abaŋa edinen ido esie; enye eyekpono mme ewuhɔ, onyuŋ ɔnɔ mmɔ ubɔŋ.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

LEVITICUS 1:13

Ndien yak owo ada mmɔŋ eyet ŋkpɔ esit idibi esie, ye nnuk esie, ndien oku emen kpukpru ɔfɔp ke itie-uwa, enye edi edifɔp uwa, uwa ikaŋ, edinem utebe Jehovah.

LEVITICUS 1:17

ndien asiak enye ke mba esie, edi okudianare efep: ndien yak oku ɔfɔp enye ke itie-uwa, ke ifia emi odorode ke ikaŋ: enye edi edifɔp uwa, uwa ikaŋ, edinem utebe Jehovah.

LEVITICUS 1:9

Ndien yak owo ada mmɔŋ eyet ŋkpɔ esit idibi esie, ye nnuk esie: ndien oku ɔfɔp kpukpru ke itie-uwa, ke edifɔp uwa, uwa ikaŋ, ɔnɔ Jehovah ke edinem utebe.

LEVITICUS 14:18

Ndien yak oku ada aran emi ɔsuhɔde enye ke eka-ubɔk, eyet owo emi enamde enye asana, ke ibuot. Ntem ke oku osio isop ke iso Jehovah ɔnɔ enye.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 19:22

Ndien oku ada okukim uwa isop oro osio isop ɔnɔ enye ke iso Jehovah, abaŋa idiɔk ido esie emi enye akanamde; ndien eyefen idiɔk-ŋkpɔ emi enye akanamde, enɔ enye.

LEVITICUS 2:2

ndien ada enye ɔsɔk nditɔ Aaron, mme oku: ndien yak enye owobi ndom ubɔk esie kiet, ye aran esie, ye kpukpru frankincense esie; ndien yak oku osio ubak-eriti esie, ɔfɔp ke itie-uwa, uwa ikaŋ, edinem utebe, ɔnɔ Jehovah.

LEVITICUS 2:9

Ndien oku osio editi ubak inuak-udia oro, emen ɔfɔp ke itie-uwa, ke uwa ikaŋ eti utebe, ɔnɔ Jehovah.

LEVITICUS 4:19

Ndien yak enye onyuŋ osio ofuri ikpɔŋ esie efep, ada ɔfɔp ke itie-uwa.

LEVITICUS 4:26

Ndien yak enye ɔfɔp ofuri ikpɔŋ esie ke itie-uwa, kpa nte efɔpde ikpɔŋ uwa emem; oku onyuŋ osio isop idiɔk ido esie, ndien eyefen enye.

LEVITICUS 4:35

Ndien enye osio ofuri ikpɔŋ esie, kpa nte esiode ikpɔŋ eyen erɔŋ uwa emem; ndien yak oku ɔfɔp mmɔ ke itie-uwa, adian ye uwa ikaŋ Jehovah: ntem ke oku edisio isop ndudue esie eke enye anamde, ndien eyefen enye.

LEVITICUS 5:10

Ndien enye edida eken anam edifɔp uwa, nte ekam esinamde: ntem ke oku edisio isop esie abaŋa ndudue esie emi enye eduede, ndien eyefen enye.

LEVITICUS 5:6

ndien yak enye ada isop esie edisɔk Jehovah, abaŋa ndudue esie emi enye eduede, uman eke otode ke ŋkpi ufene, edide eyen erɔŋ, onyuŋ edide eyen ebot ke uwa idiɔk ido; ndien oku edisio isop esie abaŋa ndudue esie.

LEVITICUS 8:21

Ndien enye eyet ŋkpɔ esit idibi, ye nnuk ke mmɔŋ; Moses onyuŋ ɔfɔp ofuri okukim ke itie-uwa: ekedi edifɔp uwa edinem utebe, uwa ikaŋ Jehovah; kpa nte Jehovah eketemede Moses.

NUMBERS 15:25

Ntem ke oku edisio isop ɔnɔ ofuri esop nditɔ Israel, ndien eyedahado enɔ mmɔ: koro enye edide ndudue: ntem ke mmɔ edida enɔ mmɔ, kpa uwa ikaŋ Jehovah, ye uwa idiɔk ido mmɔ ŋko-ŋko, edi ke iso Jehovah, ke ikɔ ndudue mmɔ:

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 10:12

edi Oku emi, ke ini Enye ama akawa uwa kiet abaŋa mme idiɔk-ŋkpɔ, ɔsuhɔre etetie ke ubɔk nasia Abasi ke nsinsi:

MME HEBREW 10:14

Koro Enye ada uwa kiet anam mmɔ emi ekenimde enɔ Abasi efɔn ema ke nsinsi.

MME HEBREW 9:12

Enye inyuŋ idaha iyip ebot ye enaŋ isaŋa ibe iduk, edi ada iyip Esiemɔ oduk ke Edisana ebiet ini kiet kpɔt, ke Enye ama ɔkɔbɔ nsinsi ufak ɔnɔ owo.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;