LEVITICUS 4:21 - Edisana ñwed Abasi Ibom

²¹ Ndien yak owo emen enaŋ oro ɔwɔrɔ aka ke edem nna, onyuŋ ɔfɔp enye, kpa nte ɔfɔpde akpa enaŋ: enye edi uwa idiɔk ido ofuri esop.

LEVITICUS 4:21 ပူးပေါင်းရင်းမြစ်များ

EZRA 8:35

Ndien mmɔ eke etode ke itie ntaŋ-mfep edi, kpa nditɔ mbon ntaŋ-mfep, eda edifɔp uwa esɔk Abasi Israel, enaŋ duopeba, ebaŋa ofuri Israel, ye okukim erɔŋ anaŋ ye efurekiet, ye nditɔ-erɔŋ ata ye efureba, ye okpo ebot duopeba ke uwa idiɔk ido: kpukpru mmɔ emi edi edifɔp uwa Jehovah.

EXODUS 29:14

Ndien da unam enaŋ oro, ye ikpa esie, ye ifuɔ esie, fɔp ke ikaŋ ke edem nna: uwa idiɔk ido edi oro.

EZEKIEL 45:22

Ndien ke usen oro ke ɔbɔŋ editim enaŋ uwa idiɔk ido abaŋa idem esie ye kpukpru mbio-obio.

LEVITICUS 16:15

Ndien yak enye owot ebot uwa idiɔk ido mbio-obio, onyuŋ emen iyip esie okoduk ke edem ukara, onyuŋ ada iyip esie anam kpa nte emi enye akanamde ye iyip enaŋ, onyuŋ osime enye ke itie-usio-isop, ye ke iso itie-usio-isop: ndien

LEVITICUS 16:21

ndien Aaron ada ubɔk esiemɔ mbiba odori odu uwem ebot ke ibuot, onyuŋ ada enye ke enyɔŋ ayarare kpukpru mme idiɔk ido nditɔ Israel, ye kpukpru mme ukwaŋ-ŋkpɔ mmɔ, ye kpukpru mme idiɔk-ŋkpɔ mmɔ, ada mmɔ odori ebot oro ke ibuot, ndien esin enye ke ubɔk owo eke adade ebet, ete ada enye akayak ke wilderness.

LEVITICUS 16:27

Ndien ŋko yak emen enaŋ uwa idiɔk ido, ye ebot uwa idiɔk ido, emi edade iyip mmɔ eduk edisio isop ke edisana ebiet, ewɔrɔ eka edem nna, ekeda ikpa mmɔ, ye unam mmɔ, ye ifuɔ mmɔ, efɔp ke ikaŋ.

LEVITICUS 4:13

Ndien edieke ofuri esop Israel eduede, mikoho koi, ŋkpɔ oro onyuŋ odibe esop, mmɔ enyuŋ edue mbet Jehovah ekededi, eke mikpanamke, ndien enyene isop;

LEVITICUS 4:20

Yak enye onyuŋ anam enaŋ emi, kpa nte emi enye anamde enaŋ uwa idiɔk ido (eken); yak enye anam kpasuk ntre ye enye emi: ntem yak oku osio isop mmɔ, ndien eyefen mmɔ.

LEVITICUS 6:11

Ndien enye osio edisine-ŋkpɔ esie ke idem efep, onyuŋ esine edisine-ŋkpɔ efen ndien emen ntɔŋ oro ɔwɔrɔ aka ke edem nna ke edisana ebiet.

LEVITICUS 6:23

Yak enyuŋ efɔp kpukpru uwa udia oku ofuri-ofuri: ekudia enye.

LEVITICUS 8:17

Edi enye emen enaŋ, ye ikpa esie, ye unam esie, ye ifuɔ esie, aka ɔkɔfɔp ke ikaŋ ke edem nna; kpa nte emi Jehovah okowukde Moses.

NUMBERS 15:24

Ndien ama ekem, edieke owo anamde ŋkpɔ ke ndudue, mbon esop minyuŋ ikwe ke enyin, yak kpukpru mbon esop ewa abak enaŋ kiet enɔ Jehovah ke edifɔp, uwa eti utebe, ye inuak-udia esie, ye ediŋwɔŋ uwa esie, nte akam asaŋade, ye okpo ebot kiet ŋko ke uwa idiɔk ido.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

MME HEBREW 13:11

Koro emen obukidem mme unam oro akwa oku adade iyip mmɔ oduk ke Edisana Ebiet nte uwa mme idiɔk ido efɔp ke ikaŋ ke edem nna.