LEVITICUS 4:20 - Edisana ñwed Abasi Ibom

²⁰ Yak enye onyuŋ anam enaŋ emi, kpa nte emi enye anamde enaŋ uwa idiɔk ido (eken); yak enye anam kpasuk ntre ye enye emi: ntem yak oku osio isop mmɔ, ndien eyefen mmɔ.

LEVITICUS 4:20 ပူးပေါင်းရင်းမြစ်များ

EXODUS 32:30

Edikem eyo esiere, ndien Moses ɔdɔhɔ kpukpru owo, ete, Mbufo emenam ata idiɔk ido, ndien ke emi, nyedɔk ntiene Jehovah; ndusuk nyekut nte nsiode isop idiɔk ido mbufo emi.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

LEVITICUS 1:4

Ndien yak enye ada ubɔk esie odori edifɔp uwa ke ibuot; ndien enye akabare edi se idinamde enye enem Jehovah esit, ndisio isop esie.

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 14:18

Ndien yak oku ada aran emi ɔsuhɔde enye ke eka-ubɔk, eyet owo emi enamde enye asana, ke ibuot. Ntem ke oku osio isop ke iso Jehovah ɔnɔ enye.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 19:22

Ndien oku ada okukim uwa isop oro osio isop ɔnɔ enye ke iso Jehovah, abaŋa idiɔk ido esie emi enye akanamde; ndien eyefen idiɔk-ŋkpɔ emi enye akanamde, enɔ enye.

LEVITICUS 4:21

Ndien yak owo emen enaŋ oro ɔwɔrɔ aka ke edem nna, onyuŋ ɔfɔp enye, kpa nte ɔfɔpde akpa enaŋ: enye edi uwa idiɔk ido ofuri esop.

LEVITICUS 4:26

Ndien yak enye ɔfɔp ofuri ikpɔŋ esie ke itie-uwa, kpa nte efɔpde ikpɔŋ uwa emem; oku onyuŋ osio isop idiɔk ido esie, ndien eyefen enye.

LEVITICUS 4:35

Ndien enye osio ofuri ikpɔŋ esie, kpa nte esiode ikpɔŋ eyen erɔŋ uwa emem; ndien yak oku ɔfɔp mmɔ ke itie-uwa, adian ye uwa ikaŋ Jehovah: ntem ke oku edisio isop ndudue esie eke enye anamde, ndien eyefen enye.

LEVITICUS 4:8

Ndien yak enye osio ofuri ikpɔŋ enaŋ uwa idiɔk ido ke esit efep; kpa ikpɔŋ emi ɔfuhɔde ke ŋkpɔ esit idibi, ye ofuri ikpɔŋ emi adianade nsia, ye ekput mbiba,

LEVITICUS 5:10

Ndien enye edida eken anam edifɔp uwa, nte ekam esinamde: ntem ke oku edisio isop esie abaŋa ndudue esie emi enye eduede, ndien eyefen enye.

LEVITICUS 5:13

Ntem ke oku edisio isop esie abaŋa ndudue esie emi enye eduede ke ŋkpɔ emi kiet; ndien eyefen enye: ndien yak oku ada se isuhɔde, nte inuak-udia.

LEVITICUS 5:16

ntre ke enye edisio usiene edisana ŋkpɔ emi enye abiatde, onyuŋ ada ɔyɔhɔ ubak ition odori ke esit, emen ɔnɔ oku: ntre ke oku edisio isop esie ke okukim uwa ndudue, ndien eyefen enye.

LEVITICUS 5:18

Ndien yak enye osio okukim eke ɔfɔnde ama ke ŋkpri ufene, nte afo ɔkɔmde, ke ŋkpɔ isop, ada ɔsɔk oku: ndien oku edisio isop esie abaŋa ndudue esie oro enye mikoho koi idue, mikonyuŋ ifiɔkke, ndien eyefen enye.

LEVITICUS 5:6

ndien yak enye ada isop esie edisɔk Jehovah, abaŋa ndudue esie emi enye eduede, uman eke otode ke ŋkpi ufene, edide eyen erɔŋ, onyuŋ edide eyen ebot ke uwa idiɔk ido; ndien oku edisio isop esie abaŋa ndudue esie.

LEVITICUS 6:7

ndien oku edisio isop esie ke iso Jehovah; ndien eyefen enye ke ŋkpɔ ekededi eke enye anamde ke eridue ke esit.

NUMBERS 15:25

Ntem ke oku edisio isop ɔnɔ ofuri esop nditɔ Israel, ndien eyedahado enɔ mmɔ: koro enye edide ndudue: ntem ke mmɔ edida enɔ mmɔ, kpa uwa ikaŋ Jehovah, ye uwa idiɔk ido mmɔ ŋko-ŋko, edi ke iso Jehovah, ke ikɔ ndudue mmɔ:

NUMBERS 15:28

Ndien yak oku ada owo emi akabiatde mbet ke ndudue, ke adaŋemi enye abiatde mbet ke ndudue ke iso Jehovah, osio isop ɔnɔ enye; ndien ama osio isop ɔnɔ enye, eyedahado ɔnɔ enye.

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 2:17

Mmɔdo odotde nte enam Enye ebiet nditɔ-ete Esie kpukpru ŋkpɔ, man Enye ekpedi Akwa Oku emi atuade owo mbɔm, onyuŋ anamde akpanikɔ ke ŋkpɔ eke abaŋade Abasi, okponyuŋ osio isop abaŋa mme idiɔk-ŋkpɔ mbio-mbio.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;