LEVITICUS 4:18 - Edisana ñwed Abasi Ibom

¹⁸ Ndien yak enye ada ndusuk iyip eyet ke nduk itie -uwa emi odude ke iso Jehovah, emi odude ke efe esop, ndien aŋwaŋa kpukpru iyip ɔduɔk ke ukot itie-ufɔp uwa, emi ekperede enyin-usuŋ efe esop.

LEVITICUS 4:18 ပူးပေါင်းရင်းမြစ်များ

2 CHRONICLES 29:22

Ndien mmɔ ewot enaŋ oro, mme oku enyuŋ ebɔ iyip, ekesime ke itie-uwa; mmɔ enyuŋ ewot mme okukim, enyuŋ esime iyip mmɔ ke itie uwa: enyuŋ ewot nditɔ erɔŋ, enyuŋ esime iyip mmɔ ke itie-uwa.

EXODUS 29:12

Nyuŋ da nnuenubɔk fo da iyip enaŋ oro tɔi ke nduk itie-uwa, ndien men kpukpru iyip ŋwaŋa ke ukot itie-uwa.

EXODUS 30:10

Ndien yak Aaron ada iyip uwa idiɔk ido usio-isop, osio isop ke nduk esie ini kiet ke isua; ini kiet ke isua ke enye edinam usio-isop ke esit, ke ofuri emana mbufo: enye edi ata edisana ŋkpɔ Jehovah.

LEVITICUS 4:25

Ndien oku ada usuk iyip uwa idiɔk ido ke nnuenubɔk esie, eyet ke nduk itie-ufɔp uwa.

LEVITICUS 4:30

Ndien yak oku ada usuk iyip esie ke nnuen ubɔk esie, eyet ke nduk itie-ufɔp uwa, ndien aŋwaŋa ofuri iyip esie ɔduɔk ke ukot itie-uwa.

LEVITICUS 4:34

Ndien yak oku ada usuk iyip uwa idiɔk ido ke nnuen-ubɔk esie, eyet ke nduk itie-ufɔp uwa, onyuŋ aŋwaŋa kpukpru iyip esie ɔduɔk ke ukot itie-uwa.

LEVITICUS 4:7

Oku onyuŋ ada iyip eyet ke nduk itie-ufɔp edinem incense emi odude ke efe esop ke iso Jehovah; onyuŋ ɔduɔk ofuri iyip enaŋ ke ukot itie-ufɔp uwa emi ekperede enyin-usuŋ efe esop.

LEVITICUS 5:9

ndien yak enye osime iyip uwa idiɔk ido ke ŋkaŋ itie-uwa; onyuŋ onyimi iyip eke ɔsuhɔde, ɔduɔk ke ukot itie-uwa: enye edi uwa idiɔk ido.

LEVITICUS 6:30

Edi ekuta baba uwa idiɔk ido emi edade iyip esie eduk ke efe esop, ndisio isop ke esit ke edisana ebiet: yak efɔp enye ke ikaŋ.

LEVITICUS 8:15

Ndien ewot enye: ndien Moses emen iyip ke nnuenubɔk esie, ekeyet ke nduk itie-uwa akan okuk, onyuŋ osio itie-uwa idiɔk efep, ndien aŋwaŋa iyip ɔduɔk ke ukot itie-uwa, onyuŋ onim enye ke edisana ŋkpɔ, onyuŋ osio enye isop efep.

LEVITICUS 9:9

Ndien nditɔ Aaron emen iyip esɔk enye; ndien enye edebi nnuenubɔk esie ke iyip oro, eyet ke nduk itie-uwa, ndien aŋwaŋa iyip ɔduɔk ke ukot itie-uwa: