LEVITICUS 4:15 - Edisana ñwed Abasi Ibom

¹⁵ Ndien mbiowo esop eda ubɔk mmɔ edori abak enaŋ oro ke ibuot ke iso Jehovah: ndien yak owo owot enaŋ ke iso Jehovah.

LEVITICUS 4:15 ပူးပေါင်းရင်းမြစ်များ

2 CHRONICLES 29:23

Ndien mmɔ eda okpo-ebot uwa idiɔk ido edi ke iso edidem ye ofuri esop; ndien mmɔ eda ubɔk mmɔ edori mmɔ ke idem;

EXODUS 24:1

NDIEN enye ɔdɔhɔ Moses, ete, Dɔk tiene Jehovah, afo, ye Aaron, ye Nadab, ye Abihu, ye mbiowo Israel ata ye duop; mbufo enyuŋ eda nsan-nsan etuak ibuot.

EXODUS 24:9

Edikem Moses ɔdɔk ye Aaron, ye Nadab, ye Abihu, ye mbiowo Israel ata ye duop;

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 1:4

Ndien yak enye ada ubɔk esie odori edifɔp uwa ke ibuot; ndien enye akabare edi se idinamde enye enem Jehovah esit, ndisio isop esie.

LEVITICUS 16:21

ndien Aaron ada ubɔk esiemɔ mbiba odori odu uwem ebot ke ibuot, onyuŋ ada enye ke enyɔŋ ayarare kpukpru mme idiɔk ido nditɔ Israel, ye kpukpru mme ukwaŋ-ŋkpɔ mmɔ, ye kpukpru mme idiɔk-ŋkpɔ mmɔ, ada mmɔ odori ebot oro ke ibuot, ndien esin enye ke ubɔk owo eke adade ebet, ete ada enye akayak ke wilderness.

LEVITICUS 4:16

Ndien oku emi eyerede aran, ada ndusuk iyip abak enaŋ okoduk ke efe esop:

LEVITICUS 4:4

Ndien yak enye ada abak eyen enaŋ oro edi ke enyin-usuŋ efe esop ke iso Jehovah; onyuŋ ada ubɔk esie odori abak enaŋ ke ibuot, ndien owot abak enaŋ ke iso Jehovah.

LEVITICUS 8:14

Ndien enye ada enaŋ uwa idiɔk ido edi; ndien Aaron ye nditɔ esie eda ubɔk edori enaŋ uwa idiɔk ido ke ibuot.

LEVITICUS 8:18

Ndien enye ada okukim edifɔp uwa edi; ndien Aaron ye nditɔ esie eda ubɔk mmɔ edori okukim ke ibuot.

LEVITICUS 8:22

Ndien enye ada okukim eken, okukim eriyɔhɔ ubɔk, edi: ndien Aaron ye nditɔ esie eda ubɔk mmɔ edori okukim ke ibuot.

NUMBERS 11:16

Ndien Jehovah ɔdɔhɔ Moses, ete, Bon mbiowo Israel, owo ata ye udop nɔ mi, emi afo ɔfiɔkde ete ke mmɔ edi mbiowo mbio emi, ye mme andidaha mmɔ; ndien da mmɔ di ke efe esop, man eda do ye afo.

NUMBERS 11:25

Ndien Jehovah etie ke obubit enyɔŋ ɔsuhɔre, edidɔhɔ ye enye, onyuŋ ada ubak spirit emi odude enye ke idem, esin mbiowo ata ye udop oro ke idem: ndien edikem, ke spirit oro odukde mmɔ ke idem, mmɔ etiŋ prophecy, ndien itiŋke aba.

NUMBERS 8:10

Ndien da mme Levite di ke iso Jehovah; ndien nditɔ Israel eda ubɔk mmɔ edori mme Levite ke idem:

NUMBERS 8:12

Ndien yak mme Levite eda ubɔk mmɔ edori enaŋ oro ke ibuot: ndien da kiet wa ke uwa idiɔk ido, nyuŋ da kiet eken wa ke edifɔp uwa nɔ Jehovah, man osio isop ɔnɔ mme Levite.