LEVITICUS 3:1 - Edisana ñwed Abasi Ibom

¹ NDIEN edieke enɔ esie edide uwa emem edieke osiode enye ke otu enaŋ edi, edide ayara, onyuŋ edide uman, yak enye ada se mibiomoke ndo edi ke iso Jehovah.

LEVITICUS 3:1 ပူးပေါင်းရင်းမြစ်များ

1 CHRONICLES 21:26

David onyuŋ anam itie-uwa do ɔnɔ Jehovah, onyuŋ awa edifɔp uwa ye uwa emem, onyuŋ eseme ɔnɔ Jehovah; ndien enye etie ke enyɔŋ eyere enye ke ikaŋ ke itie ufɔp-uwa.

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

EXODUS 24:5

Ndien enye ɔdɔŋ mkparawa nditɔ Israel, ndien mmɔ efɔp edifɔp uwa, enyuŋ ewa uwa emem ke enaŋ enɔ Jehovah.

EXODUS 29:28

ndien enye eyedi se Aaron ye nditɔ esie edibɔde nditɔ Israel ke nsinsi ewuhɔ: koro edide edimenere uwa: ndien eyebɔ nditɔ Israel edimenere uwa, esio ke uwa emem mmɔ, edimenere uwa eke mmɔ enɔde Jehovah.

MME ŊKE 7:14

Mme uwa emem ena enɔ mi; mfin emi ke nsio mme akaŋa mi.

EZEKIEL 43:27

Ndien adaŋemi mme usen emi ekurede, edikem ke ɔyɔhɔ usen itiaita ye eke etienede, mme oku eyewa edifɔp uwa mbufo, ye uwa-emem mbufo ke enyɔŋ itie-uwa; ndien mbufo eyenem mi esit. Ɔbɔŋ Jehovah ɔdɔhɔ.

EZEKIEL 45:15

Ye eyen ŋkpri ufene kiet ke itie ikie iba, eke etode ke mbiet Israel eke awakde mmɔŋ, ke eke inuak-udia, ye ke eke edifɔp uwa, ye ke eke uwa emem, eke esiode isop mmɔ: Ɔbɔŋ Jehovah ɔdɔhɔ.

LEVITICUS 1:10

Ndien enɔ esie ama oto ke ŋkpri ufene, mme ke erɔŋ, mme ke ebot, ke eke edifɔp uwa, yak enye ada ayara eke ɔfɔnde ama ɔsɔk.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 17:5

kpaŋ nditɔ Israel ekpeda uwa mmɔ, emi ewade ke iso iŋwaŋ edi, enyuŋ eda mmɔ esɔk Jehovah, ke enyin-usuŋ efe esop, esɔk oku, enyuŋ ewa mmɔ enɔ Jehovah ke uwa emem.

LEVITICUS 3:6

Ndien edieke enɔ esie eke enye adade ɔnɔ Jehovah ke uwa emem, otode ke ŋkpri ufene, edide ayara, onyuŋ edide uman, yak enye ada se mibiomoke ndo edi.

LEVITICUS 9:18

Enye onyuŋ owot abak enaŋ ye okukim uwa emem eke enyenede obio: ndien nditɔ Aaron emen iyip esɔk enye, ndien enye ada osime ke itie-uwa akanade okuk, ye ikpɔŋ enaŋ oro,

LEVITICUS 9:4

ye okukim, ye mme uwa emem, eke ewade ke iso Jehovah; ye inuak-udia mbuaha ye aran: koro mfin emi ke Jehovah ediwut mbufo idem.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

MALACHI 1:14

Edi osuk ɔdɔdiɔk ɔnɔ owo abiaŋa, eke ayara odude ke otu ufene esie, ndien enye akaŋa, onyuŋ awa obukpo ŋkpɔ ɔnɔ Ɔbɔŋ: koro ami ndide akwa edidem, enyiŋ mi onyuŋ enyene ndik ke otu mme idut. Jehovah mme udim ɔdɔhɔ.

MALACHI 1:8

Ndien ke ini mbufo edade nnan edi ediwa, nte idiɔkke? Ndien ke ini mbufo edade mbuŋɔ ye eke ɔdɔŋɔde udɔŋɔ edi, nte idiɔkke? Da enye naŋa sɔk ɔbɔŋ fo; nte enye edinem esit ye afo? Nte enye edinyuŋ okpono iso fo? Jehovah mme udim ɔdɔhɔ.

NUMBERS 15:8

Ndien ŋko ke adaŋemi afo ediwade enaŋ ke edifɔp uwa, mme ke uwa emi ewade ke erinam akaŋa, mme ke uwa emem, ɔnɔ Jehovah:

NUMBERS 6:14

ndien enye ada enɔ esie ɔsɔk Jehovah, eyen okukim isua kiet eke ɔfɔnde ama, ke edifɔp uwa, ye uman eyen erɔŋ isua kiet eke ɔfɔnde ama, ke uwa idiɔk ido, ye okukim kiet eke ɔfɔnde ama,

NUMBERS 7:17

ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Nahshon eyen Amminadab.

NUMBERS 7:59

Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Gamaliel eyen Pedahzur.

DEUTERONOMY 12:27

unam ye iyip, ke itie uwa Jehovah Abasi fo, ndien da unam esie ta.

ŊWED MBON COLOSSAE 1:20

nnyuŋ nnam kpukpru ŋkpɔ ekabare etie ke emem ye Abasi oto ke Enye (akada iyip cross Esie esin emem) nkɔm oto ke Enye, ye mmɔ edide ŋkpɔ eke edude ke isɔŋ, ye edide ŋkpɔ eke edude ke enyɔŋ.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

JUDGES 20:26

Ndien kpukpru nditɔ Israel ye kpukpru owo edɔk eka Beth-el eketua eyet, enyuŋ etie do ke iso Jehovah, enyuŋ etre udia ke usen oro, tutu osim mbubreyo: mmɔ enyuŋ ewa edifɔp uwa ye uwa emem ke iso Jehovah.

JUDGES 21:4

Edikem ke eyo esierede, mmɔ ebak edemere ke usenubɔk, ekenam itie-uwa do, enyuŋ efɔp edifɔp uwa ye uwa emem.