LEVITICUS 27:8 - Edisana ñwed Abasi Ibom

⁸ Edi edieke enye ebuenede akan ke ekɔm-urua fo, yak enim enye ke iso oku, ndien oku ɔkɔm urua ɔnɔ enye; yak oku ɔkɔm ɔnɔ andikaŋa nte ubɔk esie edikemde.

LEVITICUS 27:8 ပူးပေါင်းရင်းမြစ်များ

2 NDIDEM 7:5

Ndien mmɔ edaha ke enyɔŋ ke mfuŋ-mfuŋ mbubreyo, eka ke nna-ekɔŋ Syria: ndien adaŋemi mmɔ esimde utit nna Syria, sese, baba owo kiet iduhe do.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 27:7

Ndien ŋko ama edi ke owo isua ata, ye mmɔ eke ebede oro; yak ekɔm-urua fo ke eke eren edi shekel efut, ye ke eke aŋwan, shekel duop.

LEVITICUS 27:9

Ndien ŋko ama edi ke oruk unam emi ekam ewade enɔ Jehovah, oruk emi kpukpru emi owo ɔnɔde Jehovah edidi edisana.

LEVITICUS 5:11

Edi edieke ubɔk mikemke enye ke mbomoŋkuku iba, mme nditɔ ibiom iba; ndien yak andidue ada omer eti ndom-uyo kiet ke enɔ eise, ke uwa idiɔk ido, edi enye okusin aran ke esit, okunyuŋ adian frankincense ke esit: koro enye edide uwa idiɔk ido.

LEVITICUS 5:7

Ndien edieke ubɔk mikemke enye ke eke ŋkpri ufene, yak enye ada mbomoŋkuku iba, mme nditɔ ibiom iba, ɔsɔk Jehovah, ke isop esie emi enye eduede; kiet ke uwa idiɔk ido, ye kiet eken ke edifɔp uwa.

MARK 14:7

Koro mbufo emenyene mme ubuene ye mbufo kpukpru ini, ndien ini eke emama, mbufo ekeme ndifɔn ido ye mmɔ, edi mbufo inyeneke Mi kpukpru ini.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.