LEVITICUS 27:3 - Edisana ñwed Abasi Ibom

³ Ndien ama edi eren-owo, ɔtɔŋɔde ke isua edip tutu osim isua ata, yak ekɔm urua fo edi shekel silver aba ye duop, nte asaŋade ye edisana shekel.

LEVITICUS 27:3 ပူးပေါင်းရင်းမြစ်များ

2 NDIDEM 12:4

Ekem Jehoash ɔdɔhɔ mme oku, ete, Ofuri silver emi ekam edade esɔk ufɔk Jehovah, kpa silver mmɔ eke ebatde, ye silver ufak owo nte ekɔmde enɔ enye, ye ofuri silver eke odukde owo ke esit ndida nsɔk ufɔk Jehovah,

EXODUS 30:13

Emi ke kpukpru owo emi ebede eduk ke otu mmɔ emi ebatde mmɔ, edinɔ, kpa ibio shekel, nte asaŋade ye edisana shekel; (shekel oro oduk gerah edip;) ibio shekel oro edidi enɔ Jehovah.

EXODUS 38:24

Ndien ofuri gold emi edade enam utom emi, ke ofuri edisana utom, gold emi enɔde ke edifuŋ uwa, edi talent edip ye usukkiet, ye shekel ikie itiaba ye edip ye duop, nte edisana shekel edide.

LEVITICUS 27:14

Ndien ŋko adaŋemi owo adianarede ufɔk esie onim ɔnɔ Jehovah ke edisana, yak oku ɔkɔm urua esie, edide eti, onyuŋ edide idiɔk: nte emi oku edikɔmde ɔnɔ enye, yak edi ntre.

LEVITICUS 27:25

Ndien kpukpru ekɔm-urua fo eyesaŋa ye edisana shekel: gerah edip ekem ye shekel kiet.

LEVITICUS 27:4

Ndien ama edi ŋwan, yak ekɔm-urua fo edi shekel edip ye duop.

LEVITICUS 5:15

Adaŋemi owo enamde se minenke, onyuŋ abiatde edisana ŋkpɔ Jehovah ekededi, mikoho koi; yak enye ada isop esie ɔsɔk Jehovah, okukim kiet eke ɔfɔnde ama, eke otode ke ŋkpri ufene, nte afo ɔkɔmde ke shekel silver, esaŋa ye edisana shekel, man edi ŋkpɔ isop:

LEVITICUS 6:6

Ndien yak enye ada ŋkpɔ isop esie ɔsɔk Jehovah, kpa okukim erɔŋ eke ɔfɔnde ama, eke otode ke ŋkpri ufene, nte afo ɔkɔmde, ke ŋkpɔ isop, ada etiene oku:

NUMBERS 18:16

Ndien ama edi mme mmɔ emi enyenede ndifak, fak mmɔ adaŋemi ekemde ɔfiɔŋ kiet, ke ekɔm urua fo, ke shekel silver ition, asaŋa ye edisana shekel, emi edi gerah edip.

NUMBERS 3:47

Bɔ mmɔ kiet kiet shekel ition; nte edisana shekel asaŋade ke afo edibɔ mmɔ: (shekel kiet ekem gerah edip):