LEVITICUS 26:7 - Edisana ñwed Abasi Ibom

⁷ Mbufo eyenyuŋ ebine mme asua mbufo, ndien mmɔ eyeduɔŋɔ ke ofut ke iso mbufo.

LEVITICUS 26:7 ပူးပေါင်းရင်းမြစ်များ

1 CHRONICLES 19:15

Ndien ke ini nditɔ Ammon ekutde ete ke Syria efeŋe, mmɔ enyuŋ efeŋe ŋko ke iso Abishai eyen-ete esie, enyuŋ eduk ke obio. Ndien Joab ɔnyɔŋ ke Jerusalem.

ESTHER 9:16

Mme Jew eŋwen emi edude ke mme province edidem, ebono, enyuŋ eda ekpeme uwem mmɔ, ebɔhɔ mme asua mmɔ, enyuŋ ekut nduɔkodudu, enyuŋ ewot tɔsin mbon usua mmɔ itie ata ye efut, edi isinke ubɔk mmɔ ituk mbume,

ŊWED MME PSALM 81:15

Mmɔ eke esuade Jehovah ekpenem inua enɔ enye; ndien eyo mmɔ ekpebigi ke nsinsi.

LEVITICUS 26:36

Ndien ama edi mme mmɔ emi edisuhɔde ke otu mbufo, nyesin mmɔ esit ufep ke mme idut mme asua mmɔ, ndien uyom ikɔŋ eke enyeŋede eyenam mmɔ efeŋe itɔk, ndien mmɔ eyefeŋe, nte emi efeŋede ofut; enyuŋ eduɔŋɔ ke baba owo kiet mibineke.

LEVITICUS 26:6

Nyenyuŋ nnam isɔŋ ofure, mbufo eyenyuŋ esuhɔre ena, ndien baba ndutime ididuhe: nyenyuŋ nnam mme idiɔk unam etre ke isɔŋ; ndien ofut idisaŋake ke isɔŋ mbufo ibe.

LEVITICUS 26:8

Mbufo owo ition eyebine ikie, mbufo owo ikie eyenyuŋ enam tɔsin duop efeŋe; ndien mme asua mbufo eyeduɔŋɔ ke ofut ke iso mbufo.

DEUTERONOMY 28:7

Jehovah eyeda mme asua fo eke edahade eda eŋwana ekɔŋ ye afo, onim fo ke iso asuan mmɔ: mmɔ eyewɔŋɔ ekɔŋ ye afo ke usuŋ kierakiet, edi ke usuŋ itiaba ke mmɔ edifeŋe ke iso fo.

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?

JOSHUA 23:10

Owo mbufo kiet eyebine tɔsin: koro edi Jehovah Abasi mbufo aŋwana ekɔŋ ɔnɔ mbufo, kpa nte enye ɔkɔdɔhɔde mbufo.

JUDGES 15:15

Ndien enye okut obufa mbaŋ ass, onyuŋ anyan ubɔk esie emen enye ada owot tɔsin owo.

JUDGES 4:16

Edi Barak ebine mme chariot ye mbon-ekɔŋ oro, tutu osim ke Harosheth mme idut: ndien kpukpru mbon-ekɔŋ Sisera eduɔŋɔ ke iso ofut; baba owo kiet isuhɔke.

JUDGES 7:23

Ndien mmɔ ewuk nditɔ Israel, ete eto ke Naphtali, ye Asher, ye ofuri Manasseh, ebine Midian.

1 SAMUEL 14:13

Ndien Jonathan ada ubɔk esie ye ukot esie ɔdɔk, andibiom ŋkpɔ-ekɔŋ esie onyuŋ etiene enye ke edem: ndien mmɔ oro eduɔŋɔ ke iso Jonathan; andibiom ŋkpɔ-ekɔŋ esie onyuŋ etiene enye owot.