LEVITICUS 26:5 - Edisana ñwed Abasi Ibom

⁵ Ndien ini emi mbufo etimde ibokpot eyesim ini utet vine, utet vine eyenyuŋ osim ini usuan mkpasip: mbufo eyenyuŋ edia udia mbufo eyuhɔ, enyuŋ etie ke ifure ke isɔŋ mbufo.

LEVITICUS 26:5 ပူးပေါင်းရင်းမြစ်များ

ŊWED MME PSALM 144:13

man mme unim udia nnyin eyɔhɔ, enɔ ŋkpɔ ke oruk, ke oruk: man ŋkpri ufene nnyin eman tɔsin ata ediwak ke iŋwaŋ nnyin:

ŊWED MME PSALM 90:1

O ƆBƆŊ, afo edi ebiet iduŋ nnyin ke ofuri emana.

EXODUS 16:8

Ndien Moses ɔdɔhɔ ete, (Eyedi ntem) ke ini Jehovah ɔnɔde mbufo unam ke mbubreyo, ete eta, ye uyo ke usenubɔk, ete eyuhɔ: koro Jehovah omokop uyo emi mbufo esukde enye: ndien nnyin idi mme anie? Idige nnyin ke mbufo esuk uyo, edi edi Jehovah.

MME ŊKE 1:33

Edi owo eke okopde uyo mi eyeduŋ ke ifure, eyenyuŋ etie suŋ anana ndik idiɔk ŋkpɔ.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 1:19

Mbufo ema enyime, enyuŋ ekop, eyedia ufɔn isɔŋ;

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

JOEL 2:19

Ndien Jehovah eyebɔrɔ, onyuŋ ɔdɔhɔ ikɔt esie, ete, Sese, ami nyeda ibokpot nnɔ esɔk mbufo, ye obufa wine, ye aran, ndien mbufo eyeyuhɔ ke esit: ndinyuŋ nnimke aba mbufo ke ŋkpɔ but ke otu mme idut.

JOEL 2:22

O mme unam ikɔt, mbufo ekufehe, koro mbiet wilderness afiaride: koro eto osioŋo mfri esie, eto fig ye vine enɔ odudu mmɔ.

JOEL 2:26

Ndien mbufo eyedia eyuhɔ, enyuŋ etoro enyiŋ Jehovah Abasi mbufo, emi akanamde mme utibe ŋkpɔ ye mbufo: ndien ikɔt mi idikwe but ke nsinsi.

AMOS 9:13

Jehovah ɔdɔhɔ, ete, Sese, mme usen ke edi, ndien owo eke ofuŋde isɔŋ eyesim owo eke ekpeŋede ibokpot: owo eke anuakde wine eyenyuŋ osim andiwari mkpasip; ikpɔ obot eyenyuŋ etɔi obufa wine, kpukpru ŋkpri obot eyenyuŋ etara.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

DEUTERONOMY 11:15

Nyenyuŋ nnam mbiet otibe ke iŋwaŋ fo ɔnɔ ufene fo, ndien afo eyedia ŋkpɔ ɔyuhɔ.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.