LEVITICUS 26:44 - Edisana ñwed Abasi Ibom

⁴⁴ Edi okposuk edidi ntre, ke ini mmɔ edidude ke isɔŋ mme asua mmɔ, ndiduɔkke mmɔ, ndinyuŋ nsuaha mmɔ, nte nsobode mmɔ fap-fap, nte nnyuŋ mbiatde ediomi emi ŋkodiomide ye mmɔ: koro ami ndide Jehovah Abasi mmɔ.

LEVITICUS 26:44 ပူးပေါင်းရင်းမြစ်များ

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

2 NDIDEM 13:23

Ndien Jehovah ɔfɔn mfɔn ye mmɔ, onyuŋ atua mmɔ mbɔm, onyuŋ akabare ese mmɔ, abaŋa ediomi esie ye Abraham, ye Isaac, ye Jacob, inyuŋ inyimeke ndisobo mmɔ, inyuŋ imenke mmɔ kaŋa ke iso esie iduɔk.

NEHEMIAH 9:17

inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ŊWED MME PSALM 103:13

Kpa nte ete atuade nditɔ esie mbɔm, ntre ke Jehovah atua mmɔ eke ebakde enye mbɔm.

ŊWED MME PSALM 89:33

Edi ndibɔhɔ enye ima mi, ndinyuŋ mbiatke akpanikɔ mi.

ŊWED MME PSALM 94:14

Koro Jehovah mididuɔkke ikɔt esiemɔ, midinyuŋ ikpɔŋke udeme esie.

JEREMIAH 14:21

Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 24:5

Nte nti fig emi, kpa ntre ke ndidiɔŋɔ mbon ntaŋ-mfep Judah, emi mbinde ke ebiet emi mfep nsin ke isɔŋ Babylon, ke mfɔn.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

EZEKIEL 16:60

Ndien ami nyeti ediomi mi ye afo ke mme usen uyen fo, nyenyuŋ nsɔŋɔ ŋwuk nsinsi ediomi ye afo.

LEVITICUS 26:11

Ndien ami nyenyuŋ nnim ebiet-iduŋ mi ke otu mbufo: esit mi idinyuŋ isuaha mbufo.

ŊWED MBON ROME 11:2

Abasi ikɔduɔkke ikɔt Esie emi Enye ekebemde iso ɔfiɔk. Mme nte mbufo ifiɔkke se Ŋwed Abasi ɔdɔhɔde ke se ewetde ebaŋa Elijah? adaŋa nte enye ekpede Abasi ubɔk abiat Israel ete,

ŊWED MBON ROME 11:26

ndien ke usuŋ emi ke eyenyaŋa ofuri Israel; kpa nte ewetde ete, Andinyaŋa eyeto ke Zion edi, Enye eyesio ukwaŋido efep ke Jacob:

JUDGES 2:1

EKEM angel Jehovah oto ke Gilgal ɔdɔk ke Bochim, ɔkɔdɔhɔ ete, Ŋkada mbufo ke Egypt ndɔk, ŋkonyuŋ nda mbufo nduk ke isɔŋ emi ŋkɔŋwɔŋɔde nnɔ mme usɔ: ndien ŋkɔdɔhɔ nte, Ndibiatke ediomi mi ye mbufo ke nsinsi;