LEVITICUS 26:41 - Edisana ñwed Abasi Ibom

⁴¹ ye nte ami ŋko ŋkasaŋade ke ndusuara ye mmɔ, ŋkonyuŋ nda mmɔ nsin ke isɔŋ mme asua mmɔ; edieke edut esit mmɔ ɔsuhɔde ndien mmɔ enyuŋ enem esit ke ufen ukwaŋ-ŋkpɔ mmɔ:

LEVITICUS 26:41 ပူးပေါင်းရင်းမြစ်များ

1 NDIDEM 21:29

Ŋkɔm afo omokut nte Ahab osukde idem-esie ke iso mi? Koro enye osukde idem esie ke iso mi, ndidaha idiɔk-ŋkpɔ emi ndi ke eyo esie: edi ke eyo eyen esie nyeda idiɔk emi ntiene ufɔk esie.

2 CHRONICLES 12:12

Ndien adaŋemi enye osukde idem esie, iyaresit Jehovah akabare ɔkpɔŋ enye, Enye inyuŋ isoboke enye fap: ndien ŋko, nti ŋkpɔ enyuŋ edu ke Judah.

2 CHRONICLES 32:26

Ekem Hezekiah osuk idem abaŋa mmenere esit esie, enye ye mme andiduŋ Jerusalem; ndien iyaresit Jehovah inamke mmɔ ke eyo Hezekiah.

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

EZRA 9:13

Ndien emi kpukpru ŋkpɔ emi ema enam nnyin, ebaŋa mme idiɔk ido nnyin, ye akwa isop nnyin: koro afo, O Abasi nnyin, ama osuk ubɔk akan mme ukwaŋ-ŋkpɔ nnyin, ama onyuŋ ɔnɔ nnyin oruk ubɔhɔ emi;

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

NEHEMIAH 9:33

Edi afo emenen ke kpukpru se ama okosim nnyin; koro afo akanamde akpanikɔ; edi nnyin imɔdiɔk:

ŊWED MME PSALM 39:9

Ntie imum, ntatke inua mi: koro edide afo akanam.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 6:10

Ndidɔhɔ anie, nnyuŋ nteme anie, man mmɔ ekop? sese, utɔŋ mmɔ odoro edut, ndien mmɔ ikemeke ndikop: sese, mmɔ ebat uyo Jehovah ke ŋkpɔ but; enye inemke mmɔ esit.

EZEKIEL 14:23

Ndien mmɔ eyedɔŋ mbufo esit ke ini mbufo edikutde usuŋ mmɔ ye ido mmɔ: ndien mbufo eyefiɔk ete ke idige ke ikpikpu ke ŋkanam kpukpru se ŋkanamde ke esit. Uyo Ɔbɔŋ Jehovah edi emi.

EZEKIEL 20:43

Ndien do ke mbufo editi usuŋ mbufo, ye kpukpru se mbufo ekenamde, emi mbufo ekesabarede idem mbufo ke esit; ndien mbufo eyesua idem mbufo ebaŋa kpukpru mme idiɔk-ŋkpɔ emi mbufo ekenamde.

EZEKIEL 44:7

koro mbufo emade mbon idut emi minaŋa mbobi ke esit, minyuŋ inaŋa mbobi ke obukidem, eduk, man mmɔ edu ke edisana ebiet mi, enyuŋ esabare ufɔk mi, ke adaŋemi mbufo edade uyo mi, ye ikpɔŋ, ye iyip edisɔk; ndien mmɔ ebiat ediomi mi, oto ke kpukpru mbubiam mbufo.

EZEKIEL 44:9

Ntem ke Ɔbɔŋ Jehovah ɔdɔhɔ, ete, Kuyak baba eyen esen owo kiet eke minaŋa mbobi esit, minyuŋ inaŋa mbobi obukidem, oduk ke edisana ebiet mi; baba eyen esen owo kiet eke odude ke otu nditɔ Israel.

EZEKIEL 6:9

Ndien mmɔ eke ebɔhɔde ke otu mbufo eyeti mi ke otu mme idut eke editaŋde mmɔ efep eka do: koro ami nyenuak mmɔ esit use, emi ɔwɔŋɔrede ɔkpɔŋ mi, nyenuak enyin mmɔ emi esede use ebine mme ibɔk mmɔ: ndien mmɔ eyese idem mmɔ ke ndek ebaŋa mme idiɔk ido emi mmɔ enamde ke kpukpru mbubiam mmɔ.

LEVITICUS 26:24

ndien ami nde nyesaŋa ke ndusuara ye mbufo, nyenyuŋ ŋkɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

NUMBERS 5:7

yak mmɔ eyarare ndien idiɔk ido oro mmɔ ekenamde: ndien yak enye ada iso ŋkpɔ oro enye eduede isop, onyuŋ ɔkɔrɔ ɔyɔhɔ ubak ition ke esit, ndien emen enye ɔnɔ owo oro enye ekeduede.

MATTHEW 23:12

Edi owo ekededi eke edimenerede idem, eyesuhɔre enye enim; edi owo ekededi eke edisuhɔrede idem, eyemenere enye.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

ŊWED MBON GALATIA 5:6

Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.

DEUTERONOMY 10:16

Mbufo enim ndien esit mbufo mbobi, ekunyuŋ etun aba itun.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

DEUTERONOMY 31:21

Ndien ama ekem, ke ediwak mkpɔsɔŋ mme idiɔk-ŋkpɔ eke edisimde mmɔ, ikwɔ emi eyebɔrɔ ke iso mmɔ nte ntiense; koro enye midisopkde ke inua nditɔ mmɔ: koro mmɔfiɔk ekikere mmɔ emi mmɔ ekerede mfin emi, ke mmeŋka-ndaha mmɔ kaŋa nduk ke isɔŋ emi ŋkɔŋwɔŋɔke.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

ŊWED MBON COLOSSAE 2:11

Ke Enye ke ekenyuŋ enim mbufo mbobi eke midaha ubɔk owo inim, kpa mbobi eke edide erisio idiɔk udɔŋ obukidem mfep, kpa mbobi eke Christ onimde;