LEVITICUS 26:40 - Edisana ñwed Abasi Ibom

⁴⁰ Edieke mmɔ esemede mme idiɔk ido idem mmɔ, ye mme idiɔk ido mme ete mmɔ, ye mme oburobut ido emi mmɔ ekenamde ye ami, ye nte mmɔ esaŋade ŋko ke ndusuara ye ami;

LEVITICUS 26:40 ပူးပေါင်းရင်းမြစ်များ

1 NDIDEM 8:47

edi mmɔ ema ekere ke esit mmɔ ke isɔŋ eke etaŋde mmɔ efep eka do, enyuŋ ekabarede, ekpe fi ubɔk ke isɔŋ mmɔ eke etaŋde mmɔ efep, ete, Nnyin imedue, imonyuŋ inam ukwaŋ - ŋkpɔ, imonyuŋ idiɔk;

1 NDIDEM 8:48

ndien efiak edem etiene fi ke ofuri esit mmɔ, ye ke ofuri ukpɔŋ, mmɔ ke isɔŋ mme asua mmɔ oro eketaŋde mmɔ efep, enyuŋ ebɔŋ akam enɔ fi ese usuŋ isɔŋ mmɔ, emi afo ɔkɔnɔde mme ete mmɔ, ye obio emi afo emekde, ye ufɔk emi mbɔpde nnɔ enyiŋ fo:

EZRA 10:11

Mbufo enyime ndien enɔ Jehovah Abasi mme ete mbufo, enyuŋ enam se enye amade: enyuŋ edianare idem mbufo ke mbio idut, ye ke isen iban oro efep.

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

EZRA 9:6

O Abasi mi, but anam mi ke iso eti-eti ndimenere iso mi nse fi, O Abasi mi: koro mme ukwaŋ-ŋkpɔ nnyin ekoŋde ekan ibuot nnyin, isop nnyin onyuŋ okpon tutu osim ke ikpa-enyɔŋ.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

JEREMIAH 14:20

nnyin idori enyin ke emem, ndien eti ŋkpɔ iduhe: idori enyin ke ini ukɔk, ndien, sese, akwa ndik! Nnyin imɔdiɔŋɔ mme idiɔk ido nnyin, O Jehovah, ye mme ukwaŋ-ŋkpɔ mme ete nnyin: koro nnyin imanam idiɔk ye afo.

ŊWED ESEME 1:20

O Jehovah, sese: koro mmetie ke itie ukut: nsia oyomo mi; esit ɔduɔ mi ke idem; koro ŋkpɔ ododoro mi eti-eti: ofut adia ke aŋwa, ke ufɔk ke ebiet mkpa.

EZEKIEL 14:23

Ndien mmɔ eyedɔŋ mbufo esit ke ini mbufo edikutde usuŋ mmɔ ye ido mmɔ: ndien mbufo eyefiɔk ete ke idige ke ikpikpu ke ŋkanam kpukpru se ŋkanamde ke esit. Uyo Ɔbɔŋ Jehovah edi emi.

EZEKIEL 36:31

Ndien mbufo eyeti mme idiɔk usuŋ mbufo, ye ido mbufo eke midige nti, ndien esua idem mbufo ke iso idem mbufo ebaŋa mme idiɔk ido mbufo ye mbubiam mbufo.

HOSEA 5:15

Nyenyɔŋ ŋka ebiet mi tutu mmɔ eda ufen, enyuŋ eyom iso mi: ke ini ukut mmɔ, mmɔ eyebak eyom mi.

LEVITICUS 26:21

Ndien mbufo ema esaŋa ye ami ke ndusuara, midinyuŋ inyimeke ndikop uyo mi; ndien nyekɔrɔ mbufo ufen utim ikatiaba, nte mme idiɔk-ŋkpɔ mbufo edide.

LEVITICUS 26:24

ndien ami nde nyesaŋa ke ndusuara ye mbufo, nyenyuŋ ŋkɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 5:5

Ndien ama ekem, adaŋemi enye eduede isop ke ŋkpɔ emi kiet, yak enye ayarare ete ke imɔ imedue ke esit;

NUMBERS 5:7

yak mmɔ eyarare ndien idiɔk ido oro mmɔ ekenamde: ndien yak enye ada iso ŋkpɔ oro enye eduede isop, onyuŋ ɔkɔrɔ ɔyɔhɔ ubak ition ke esit, ndien emen enye ɔnɔ owo oro enye ekeduede.

JOSHUA 22:15

Ekem mmɔ edisim nditɔ Reuben, ye nditɔ Gad, ye ubak esien Manasseh, ke isɔŋ Gilead,

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.