LEVITICUS 26:32 - Edisana ñwed Abasi Ibom

³² Ami nyenyuŋ nnam isɔŋ odobo; ndien oro eyesin idem akpa mme asua mbufo eke eduŋde ke esit.

LEVITICUS 26:32 ပူးပေါင်းရင်းမြစ်များ

1 NDIDEM 9:8

ndien ufɔk emi eyedi edikoŋ: kpukpru owo eke edibede eyeyik, enyuŋ esi; ndien mmɔ eyedɔhɔ, ete, Nsinam Jehovah akanamde isɔŋ emi, ye ufɔk emi ntem?

ISAIAH 24:1

SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

ISAIAH 6:11

Ndien enye ɔbɔrɔ, ete, Tutu mme obio ewure enana mme andiduŋ, mme ufɔk enyuŋ ebiara enana owo, isɔŋ onyuŋ abiara fap,

ISAIAH 64:10

Ndisana obio fo emekabare edi wilderness, Zion edi wilderness, Jerusalem edi ndon.

JEREMIAH 12:11

Emenim enye ke ŋkpɔ nditaha, enye omosobo, atua ɔnɔ mi; ofuri isɔŋ amabiara, koro baba owo kiet eke ekerede ke esit miduhe.

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

JEREMIAH 19:8

Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 25:11

Ofuri obio emi eyenyuŋ ekabare edi se esobode enyuŋ ebiatde; ndien mme idut emi eyenam ŋkpɔ edidem Babylon ke ofuri isua ata ye duop.

JEREMIAH 25:18

nnɔ Jerusalem, ye mme obio Judah, ye ndidem mmɔ, ye mbɔŋ mmɔ, man nnim mmɔ ke ŋkpɔ ŋwure, ye nsobo, ye nsi, ye isuŋi; kpa nte mfin emi;

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 33:10

Ntem ke Jehovah ɔdɔhɔ, ete, Ke ebiet emi mbufo edɔhɔde ete ke enye omosobo, anana owo, onyuŋ anana ufene, ke mme obio Judah ye ke mme efak Jerusalem, emi ebiarade enana owo, enyuŋ enana andiduŋ, enyuŋ enana ufene,

JEREMIAH 44:2

Ntem ke Jehovah mme udim Abasi Israel ɔdɔhɔ, ete, Mbufo emekut ofuri idiɔk-ŋkpɔ oro ŋkadade ntiene Jerusalem, ye kpukpru mme obio Judah; ndien, sese, mmɔ ebiara mfin, baba owo kiet eke oduŋde mmɔ ke esit inyuŋ iduhe,

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

ŊWED ESEME 4:12

Ndidem ererimbot ye kpukpru mme andiduŋ ekondo baba kiet ikpenimke ke akpanikɔ, ite ke owo usua ye owo utɔk ekpeduk ke inua-otop Jerusalem.

ŊWED ESEME 5:18

Mme fox esaŋa ke enyɔŋ obot Zion, koro enye osobode.

EZEKIEL 5:15

Ndien enye eyekabare edi ŋkpɔ but ye esuene, ŋkpɔ item ye ŋkpɔ ndyɔ ɔnɔ mme idut emi ekande fi ekuk, ke ini ŋkpede ikpe ye afo ke iyaresit, ye ke ifuresit, ye ke ikaŋ nduari; edi ami Jehovah ndɔhɔ;

DANIEL 9:18

O Abasi mi, kpaŋ utɔŋ fo, nyuŋ kop; tat enyin fo, nyuŋ se ŋwure nnyin, ye obio emi ekerede enyiŋ fo: koro nnyin minimke mkpe-ubɔk nnyin ke iso fo, ibaŋa nti ido idem nnyin, edi ibaŋa ediwak mbɔm fo.

DANIEL 9:2

Ke akpa isua ubɔŋ esie, ami Daniel nda ŋwed ntim mfiɔk ibat isua emi uyo Jehovah okosimde Jeremiah prophet abaŋa, ete ke ŋwure Jerusalem eyeyɔhɔ isua ata ye duop.

HABAKKUK 3:17

Koro eto fig midiseheke, baba mfri midinyuŋ iduhe ke mme vine: mbuŋwum olive eyenyuŋ okpu, iŋwaŋ idi-nyuŋ idukke udia; ŋkpri ufene eyetre ke ebiet ufene, baba enaŋ kiet idinyuŋ iduhe ke ufɔk enaŋ.

LUKE 21:20

Edi ke adaŋemi mbufo edikutde nte mbon-ekɔŋ ekande Jerusalem ekuk, efiɔk ndien ete, ŋwure esie ke ekpere.

DEUTERONOMY 28:37

Ndien afo eyedi ŋkpɔ mkpa-idem, ye ikwɔ, ye ufiet ke otu kpukpru mme idut eke Jehovah adade fi aka do.