LEVITICUS 26:30 - Edisana ñwed Abasi Ibom

³⁰ Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

LEVITICUS 26:30 ပူးပေါင်းရင်းမြစ်များ

GENESIS 19:13

emi: koro nnyin imɔŋ iyom ndibiat ɔtɔ emi, koro uyom mmɔ omokpon ke iso Jehovah; Jehovah omonyuŋ ɔdɔŋ nnyin

1 NDIDEM 13:2

Ndien enye ada uyo Jehovah ofiori okot itie-uwa oro, ete, O itie-uwa! ntem ke Jehovah ɔdɔhɔ ete; Sese, eyen kiet, ekere Josiah, eyemana ɔnɔ ufɔk David; ndien enye eyeda mme oku edikoŋ ebiet eke efɔpde incense ke esit, awa fi ke enyɔŋ; ndien mme ɔkpɔ owo eyefɔbɔ fi ke enyɔŋ.

1 NDIDEM 13:32

koro ikɔ oro enye okofioride ke uyo Jehovah, okot itie-uwa emi odude ke Bethel, ye kpukpru mme ufɔk edikoŋ ebiet emi edude ke mme obio Samaria, miditreke ndisu.

2 NDIDEM 23:16

Ndien Josiah akabare ese mme udi emi edude do ke obot, ndien ɔdɔŋ ekesioŋo mme ɔkpɔ ke mme udi oro, ada mmɔ efɔp ke mme itie-uwa oro, onyuŋ asabare enye, ekem ke uyo Jehovah oro owo Abasi ɔkɔkwɔrɔde, emi ɔkɔkwɔrɔde ŋkpɔ emi.

2 NDIDEM 23:20

Enye onyuŋ ada kpukpru oku edikoŋ ebiet eke edude do, owot ke mme itie-uwa oro, onyuŋ ɔfɔp mme ɔkpɔ owo ke esit, ndien ɔnyɔŋ ke Jerusalem.

2 NDIDEM 23:8

Enye onyuŋ anam kpukpru oku eto ke mme obio Judah edi, onyuŋ asabare kpukpru edikoŋ ebiet emi mme oku ekam efɔpde uwa do, ɔtɔŋɔde ke Geba, tutu osim ke Beer-sheba, onyuŋ owuri mme edikoŋ ebiet inua-otop oro okodude ke inua-otop Joshua etubom obio, enye oro okodude owo ke ubɔk ufien ke inua-otop obio.

2 CHRONICLES 23:17

Ndien kpukpru owo eka ufɔk Baal, ekewuri enye, ye mme itie-uwa esie, enyuŋ enuak mbiet esie, enyuŋ ewot Mattan oku Baal ke iso mme itie-uwa oro.

2 CHRONICLES 31:1

EKEM adaŋemi mmɔ ema ekema kpukpru ŋkpɔ emi, ofuri Israel eke edude do, ewɔŋɔ eka ke mme obio Judah, ekenuak mme adaha, enyuŋ esiak mme eto-mkpe, enyuŋ ewuri mme edikoŋ ebiet, ye mme itie-uwa, efep ke ofuri Judah, ye Benjamin, ye Ephraim, ye Manasseh, tutu ekure ema. Ndien kpukpru nditɔ Israel efiak kiet kiet ke ebiet esie, ke mme obio mmɔ.

ŊWED MME PSALM 106:40

Ndien iyaresit Jehovah obumere ye ikɔt esie, enye onyuŋ asua udeme esie eti-eti.

ŊWED MME PSALM 89:38

Edi afo ememen ɔduɔk, omonyuŋ esin: afo ayat esit ye owo fo emi afo eyetde aran.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

JEREMIAH 14:19

Nte afo ɔmɔduɔk Judah fap? Nte Zion etek fi esit? Nsinam afo amiade nnyin, ndien nnyin inyeneke owo eke ɔkɔkde nnyin?

JEREMIAH 16:18

Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

EZEKIEL 16:39

Nyenyuŋ nda fi nsin mmɔ ke ubɔk, ndien mmɔ eyewuri ufɔk use fo, enyuŋ esuan ŋkokoŋo ebiet fo; enyuŋ esioŋo fi edisine-ŋkpɔ ke idem efep; ndien mmɔ eyeda ŋkpɔ mbana fo, enyuŋ ekpɔŋ fi iferi ye ikpikpu.

EZEKIEL 43:7

Ndien enye ɔdɔhɔ mi, ete, Eyen owo, emi edi ebiet ebekpo mi, ye ebiet ikpat-ukot mi, emi ndiduŋde ke esit ke otu nditɔ Israel ke nsinsi. Ndien ufɔk Israel ye ndidem mmɔ idisabakede aba edisana enyiŋ mi, ke use mmɔ, ye ke mme okpo ndidem mmɔ ke ŋkokoŋo ebiet mmɔ.

EZEKIEL 6:13

Ndien mbufo eyefiɔk ete ke ami ndi Jehovah, ke adaŋemi owo mmɔ emi ekpaŋade enade ke ufɔt mme ibɔk mmɔ, ekan mme itie-uwa mmɔ ekuk, ke enyɔŋ kpukpru ŋkokoŋo obot, ke ibuot kpukpru ikpɔ obot, ye ke idak kpukpru awawa eto, ye ke idak kpukpru edibaŋ ofriyo, ebiet emi mmɔ ekefɔpde edinem incense do enɔ kpukpru mme ibɔk mmɔ.

HOSEA 10:2

Ebahare esit mmɔ; mmɔ eyesio isop idahemi: enye eyewuri itie-uwa mmɔ, eyebiat mbiet-ŋkpɔ mmɔ.

LEVITICUS 20:23

Mbufo ekusaŋa ndien ke ido idut emi ami mmɔŋ mbin mmɔ mfep ke iso mbufo: koro mmɔ enamde kpukpru ŋkpɔ emi, mmɔdo nsuade mmɔ.

LEVITICUS 26:11

Ndien ami nyenyuŋ nnim ebiet-iduŋ mi ke otu mbufo: esit mi idinyuŋ isuaha mbufo.

LEVITICUS 26:15

ema enyuŋ esin mme ewuhɔ mi ke ndek, mme item mi ema enyuŋ efek mbufo ukpɔŋ, nte mbufo midinimke kpukpru mbet mi, edi ebiat ediomi mi:

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

AMOS 7:9

Ndien ŋkokoŋo ebiet Isaac eyesomo, ndisana ebiet Israel eyenyuŋ ewure; nyenyuŋ mmen ofut ndaha ke enyɔŋ ntiene ufɔk Jeroboam.

DEUTERONOMY 32:19

Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.