LEVITICUS 26:22 - Edisana ñwed Abasi Ibom

²² Nnyuŋ ndɔŋ mme unam ikɔt ke otu mbufo, eke edibɔde mbufo nditɔ, enyuŋ esobo ufene mbufo, enyuŋ enam mbufo ekpri; ndien ɔkpɔ-usuŋ mbufo eyedobo.

LEVITICUS 26:22 ပူးပေါင်းရင်းမြစ်များ

2 NDIDEM 17:25

Edikem ke eritɔŋɔ iduŋ mmɔ do mmɔ ibakke Jehovah, ndien Jehovah ɔdɔŋ lion utom ke otu mmɔ, eke ewotde ndusuk mmɔ.

2 NDIDEM 2:24

Ndien enye akabare iso ese mmɔ, onyuŋ osuŋi mmɔ ke enyiŋ Jehovah. Ndien uman bear iba eto ke akai, ediwai nditɔ oro, owo aba ye iba, mbai-mbai.

2 CHRONICLES 15:5

Ndien ke ini oro baba owo kiet eke ɔwɔrɔde, ye baba owo kiet eke odukde, ikwe ifure, edi ediwak ndutime anam kpukpru mme andiduŋ edem oro.

ISAIAH 24:6

Oro esin isuŋi adiade isɔŋ, enyuŋ enɔ mme andiduŋ ke esit ufen: oro esin mme andiduŋ isɔŋ efɔbɔde, mbio emi esuhɔde enyuŋ edi esisit.

ISAIAH 33:8

Mme ɔkpɔ-usuŋ ena ikpikpu, owo isaŋ etre; enye abiat ediomi, esin mme obio ke ndek, ibatke owo ke ŋkpɔ.

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

ŊWED ESEME 1:4

Ɔkpɔ-usuŋ Zion etuaŋa, koro baba owo kiet midige ke ederi: kpukpru inua otop esie emebiara, mme oku esie eseme, nditɔ-iban esie etie ke mfuhɔ, ŋkpɔ onyuŋ odoro enye.

EZEKIEL 14:15

Edieke nnamde mme idiɔk unam esaŋa ke isɔŋ ebe, ndien mmɔ ebiet enye, ndien anana owo, onyuŋ akabare edi ndobo: koro mme unam miyakke owo asaŋa ebe:

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

EZEKIEL 33:28

Ndien mmɔŋ nnam isɔŋ edi ndon ye nditaha, nnyuŋ nnam iseri odudu esie etre; ndien ikpɔ obot Israel eyena ikpikpu, baba owo kiet idinyuŋ isaŋake ibe.

EZEKIEL 5:17

Ndien nyedɔŋ biɔŋ ye mme idiɔk unam utom, nte enam mbufo, ndien mmɔ eyebɔ fi nditɔ; idiɔk udɔŋɔ ye iyip eyenyuŋ esaŋa fi ke ufɔt ebe; nyenyuŋ nda ofut ntiene fi. Edi ami Jehovah ndɔhɔ.

LEVITICUS 26:6

Nyenyuŋ nnam isɔŋ ofure, mbufo eyenyuŋ esuhɔre ena, ndien baba ndutime ididuhe: nyenyuŋ nnam mme idiɔk unam etre ke isɔŋ; ndien ofut idisaŋake ke isɔŋ mbufo ibe.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

ZECHARIAH 7:14

ndien ami nsuan mmɔ nnyeŋe ke otu kpukpru mme idut emi mmɔ mifiɔkke: ndien isɔŋ emi ana ikpikpu ke edem mmɔ: owo isaŋake ibe, inyuŋ ifiakke edem: mmɔ enyuŋ enam edifɔn isɔŋ emi akabare edi ikpikpu.

DEUTERONOMY 32:24

Biɔŋ esin idem ɔduɔhɔ mmɔ, idiɔk udɔŋɔ ye edidoro nsobo enyuŋ esomo mmɔ: ndien nyedɔŋ ndet mme idiɔk unam, ye ifɔt mme andinyɔni ke ntan, nte ekenam mmɔ.

JUDGES 5:6

Ke eyo Shamgar eyen Anath, ke eyo Jael, mme ɔkpɔ-usuŋ ena ikpikpu: ndien mbon-isaŋ esaŋa ke ŋkwaŋa-ŋkwaŋa usuŋ.