LEVITICUS 26:21 - Edisana ñwed Abasi Ibom

²¹ Ndien mbufo ema esaŋa ye ami ke ndusuara, midinyuŋ inyimeke ndikop uyo mi; ndien nyekɔrɔ mbufo ufen utim ikatiaba, nte mme idiɔk-ŋkpɔ mbufo edide.

LEVITICUS 26:21 ပူးပေါင်းရင်းမြစ်များ

ŊWED MME PSALM 79:12

Ndien da esuene emi mbɔhɔiduŋ nnyin esuenede fi, Ɔbɔŋ, yak nɔ mmɔ ke ikpanesit utim ikatiaba.

EXODUS 9:14

Koro isaŋ emi, ami nyenam kpukpru mme idiɔk-ŋkpɔ mi eduk fi ke esit, ye ikɔt fo, ye mbio-obio fo: man afo ɔfiɔk nte baba kiet mibietke mi ke ofuri ererimbot.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

EZEKIEL 21:14

Afo, eyen owo, tiŋ ndien prophecy, nyuŋ kwak ubɔk ke ubɔk, ndien ofut eyedɔdiɔŋ ɔsɔŋ aka iso utim ikaba ye idem utim ikata, enye eyedi ofut mmɔ eke ekpaŋade afai; ofut akamba owo emi akpade afai: enye oduk osim ŋkpɔ esit idem mmɔ.

LEVITICUS 26:18

Ndien edieke kpukpru ŋkpɔ emi misinke mbufo ekop uyo mi, nyekɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:23

Ndien edieke ŋkpɔ emi midisinke mbufo ekabare etiene mi, edi esaŋa ke ndusuara ye ami;

LEVITICUS 26:24

ndien ami nde nyesaŋa ke ndusuara ye mbufo, nyenyuŋ ŋkɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:27

Ndien edieke kpukpru ŋkpɔ emi misinke mbufo ekop uyo mi, edi esaŋa ke ndusuara ye ami;

ERIYARARE 15:1

EKEM ŋkut idiɔŋɔ eŋwen ke enyɔŋ, akamba ye utibe, angel itiaba, emi enyenede akpatre ufen itiaba, koro iyaresit Abasi ɔyɔhɔ ama ke mmɔ.