LEVITICUS 26:19 - Edisana ñwed Abasi Ibom

¹⁹ Nyenyuŋ mbuŋ iseri odudu fo; nnyuŋ nnam ikpa-enyɔŋ mbufo etie nte ukwak, ye isɔŋ mbufo nte okpoho.

LEVITICUS 26:19 ပူးပေါင်းရင်းမြစ်များ

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 8:35

Adaŋemi enyɔŋ esirede, edim minyuŋ idepke, koro mmɔ edidue fi: ndien mmɔ ema ebɔŋ akam ese ebiet emi, enyuŋ etoro enyiŋ fo, enyuŋ ekpɔŋ mme idiɔk ido mmɔ efiak edem, koro afo ɔtuhɔde mmɔ:

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 25:11

Ndien enye (Moab) eyetop ubɔk esie ke esit, kpa nte ɔwɔk otopde ke eriwɔk: ndien Enye eyesuhɔre iseri esie ye ŋkari ubɔk esie.

ISAIAH 26:5

koro enye ɔmɔsuhɔre mmɔ emi eduŋde ke edikoŋ ebiet, kpa edikoŋ obio: enye eyeduɔk enye; eyeduɔk enye ke isɔŋ; eyenam enye ana ke ntan.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

JEREMIAH 13:9

Ntem ke Jehovah ɔdɔhɔ, ete, Kpa ntem ke ami ndisobo iseri Judah, ye akwa iseri Jerusalem.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

EZEKIEL 30:6

Ntem ke Jehovah ɔdɔhɔ, ete, Mmɔ eke emumde Egypt ekama eyeduɔŋɔ ŋko; iseri odudu esie eyenyuŋ ɔsuhɔre; ɔtɔŋɔde ke Migdol tutu osim ke Syene, ke mmɔ ediduɔŋɔ ke esit ke ofut, Uyo Jehovah edi emi.

EZEKIEL 33:28

Ndien mmɔŋ nnam isɔŋ edi ndon ye nditaha, nnyuŋ nnam iseri odudu esie etre; ndien ikpɔ obot Israel eyena ikpikpu, baba owo kiet idinyuŋ isaŋake ibe.

EZEKIEL 7:24

Ndien nyeda ata mme idiɔk idut ndi: ndien mmɔ eyeda ufɔk mbufo enyene: nyenyuŋ ndop mkpɔsɔŋ owo iseri; ndien eyesabare ndisana ebiet mmɔ.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

LUKE 4:25

Edi ntiŋ akpanikɔ nnɔ mbufo nte, Ediwak mme ebe-akpa ekedu ke Israel ke eyo Elijah, ke ini esiride ikpa-enyɔŋ isua ita ye ɔfiɔŋ itiokiet, akamba akaŋ onyuŋ odude ke ofuri isɔŋ;

DEUTERONOMY 11:17

ndien Jehovah edifiop esit ye mbufo, enye onyuŋ omum ikpa-enyɔŋ, akpan edim okudi, onyuŋ akpan isɔŋ okuŋwum mfri esie; mbak edinyuŋ ewara ndisobo mbufo efep ke eti isɔŋ emi Jehovah ɔnɔde mbufo.

DEUTERONOMY 28:23

Ndien ikpa-enyɔŋ fo emi odorode fi ke ibuot eyedi okpoho, isɔŋ ke idak eyenyuŋ edi ukwak.

1 SAMUEL 4:11

Mmɔ enyuŋ eda ekebe Abasi: nditɔ Eli mbiba, Hophni ye Phinehas, enyuŋ ekpa.

1 SAMUEL 4:3

Ndien adaŋemi mmɔ edukde ke nna - ekɔŋ, mbiowo Israel edɔhɔ ete, Nsinam Jehovah asuande nnyin mfin emi ke iso mme Philistine? Eyak nnyin idɔŋ ekeda ekebe ediomi Jehovah ke Shiloh esɔk nnyin, man enye edi ke otu nnyin, onyuŋ anyaŋa nnyin osio mme asua nnyin ke ubɔk.