LEVITICUS 26:16 - Edisana ñwed Abasi Ibom

¹⁶ ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

LEVITICUS 26:16 ပူးပေါင်းရင်းမြစ်များ

1 NDIDEM 8:37

Ke ini akaŋ edidude ke isɔŋ, ke idiɔk udɔŋɔ edidude, ke ikaŋ ekpo, mme mfut, mme ŋkukuŋkpɔyɔriyɔ eke atade edidude; ke ini mme asua mmɔ edikande mmɔ ekuk ke isɔŋ obio mmɔ; ufen ekededi,

ŊWED JOB 18:11

Ŋkpɔ-ndik ekan enye ekuk enam enye, enyuŋ ebin enye ikpat-isaŋ esie.

ŊWED JOB 20:25

Enye osio enye (idaŋ), ndien ɔwɔrɔ enye ke idem, edisem ŋkpɔ oro onyuŋ ɔwɔrɔ ke etidot esie: ndik edidoro enye ke idem.

ŊWED JOB 31:8

Yak ami ntɔ, ndien owo eŋwen adia, yak enyuŋ edibere nditɔ mi.

ŊWED MME PSALM 109:6

Nim idiɔk owo ke etubom esie, nim owo usua ke ubɔk nnasia esie.

ŊWED MME PSALM 73:19

Didie ke mmɔ ekabare edi ŋkpɔ nsobo ke idaha kiet! Mmɔ emekure ke akpakop ŋkpɔ ndik.

ŊWED MME PSALM 78:33

Ndien enye ama usen mmɔ ke ikpikpu, ye mme isua mmɔ ke ndik.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

MME ŊKE 3:33

Isuŋi Jehovah odu ke ufɔk mme idiɔk owo: edi enye eyediɔŋ iduŋ mmɔ eke enende.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 62:8

Jehovah omotomo ubɔk nnasia esie, ye ubɔk odudu esie, ete, Ndidaha aba ibokpot fo nnɔ mme asua fo eta; nditɔ mme idut idinyuŋ iŋwɔŋke obufa wine fo, emi afo anamde utom ke esit

ISAIAH 7:2

Ndien etɔt ufɔk David, ete, Syria ke ɔsuhɔre etie ke otu Ephraim. Ndien esit enyek enye, onyuŋ enyek ikɔt esie, kpa nte ini ofum enyeŋede eto akai.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 15:8

Mme ebe-akpa mmɔ ewak enɔ mi ekan ntan inyaŋ: nda owo eke osobode ntiene mmɔ, ntiene eka ye mkparawa, ke ufɔt uwemeyo: mmanam ubiak ye akwa ndik eduɔ enye ke idem ke isɔrɔ kiet.

JEREMIAH 20:4

Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

EZEKIEL 24:23

Enyuŋ eyara ŋkpɔ mbufo ke ibuot, enyuŋ esine ikpa-ukot mbufo ke ukot mbufo: ekuseme, ekunyuŋ etua eyet; ndien mbufo eyeyemere ke mme idiɔk ido mbufo, enyuŋ eseme kiet ye kiet.

EZEKIEL 33:10

Afo eyen owo dɔhɔ ndien ufɔk Israel, ete, Ntem ke mbufo edɔhɔ ete, Edieke mme ukwaŋ-ŋkpɔ nnyin ye mme idiɔk ido nnyin edorode nnyin ke idem, nnyin inyuŋ iyemere ke esit, idinam didie ndien idu uwem?

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

MICAH 6:15

Afo eyesuan, edi udukpeŋeke; eyenuak olive, edi uduyetke aran ke idem, eyenuak mmɔŋ mfri vine, ndien uduŋwɔŋke wine.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

ZECHARIAH 14:12

Ndien emi edidi ufen emi Jehovah edimiade kpukpru obio emi ekeŋwanade ekɔŋ ye Jerusalem; obukidem mmɔ eyeye-mere ke mmɔ esuk edida ke ukot mmɔ, enyin mmɔ eyenyuŋ eyemere ke ndudu mmɔ: edeme mmɔ eyenyuŋ eyemere ke inua mmɔ.

MALACHI 2:3

Sese, nyeduari mkpasip mbaŋa mbufo; nnyuŋ ntiam ifuɔ nduɔk mbufo ke iso, kpa ifuɔ usɔrɔ mbufo; ndien owo eyemen mbufo efep ɔkɔrɔ ke esit.

DEUTERONOMY 28:51

ndien enye eyedia mfri ufene fo, ye mfri iŋwaŋ fo, tutu afo abiara: idut eke midikpɔŋke baba ibokpot, ye obufa wine, ye aran, ye nditɔ enaŋ fo, ye nditɔ ŋkpri ufene fo, tutu enye osobo fi ama.

DEUTERONOMY 32:25

Ofut ke aŋwa, ye ndik ke ubet etera mkparawa ye nditɔ-iban, eyen-nsek, ye owo eke otibede iwat.

MME HEBREW 10:31

Edi ata ŋkpɔ ndik ndiduɔ nsine ke ubɔk Abasi emi odude uwem.

JUDGES 6:11

Ekem angel Jehovah oto editie ke idak ofriyo kiet emi odude ke Ophrah, emi enyenede Joash eyen Abiezer: ndien Gideon eyen esie ke oyibi wheat ke ɔtɔ udigi wine, man ada enye odip mme Midianite.

1 SAMUEL 2:33

Ndien ndisibeke owo fo mfep ke itie uwa mi, man enyin okpokim fi, esit okponyuŋ ayat fi: edi ofuri ŋkɔri ufɔk fo eyekpaŋa ke ini mmɔ edide iren-owo.