LEVITICUS 26:12 - Edisana ñwed Abasi Ibom

¹² Nyeyuŋ nsaŋa ke otu mbufo, nnyuŋ ndi Abasi mbufo, mbufo eyenyuŋ edi ikɔt mi.

LEVITICUS 26:12 ပူးပေါင်းရင်းမြစ်များ

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 3:8

Ekem ndien mmɔ ekop uyom Jehovah Abasi nte enye asaŋade ke iŋwaŋ ke ofum uwemeyo; ndien owo oro ye ŋwan esie efehe iso Jehovah Abasi ekedibe ke otu eto iŋwaŋ.

GENESIS 5:22

Methuselah: Enoch onyuŋ asaŋa ye Abasi, ke enye ama okobon Methuselah, ke isua ikie ita, onyuŋ obon nditɔ-iren ye nditɔ-iban:

GENESIS 5:24

Enoch onyuŋ asaŋa ye Abasi: ndien iduhe; koro Abasi akadade enye ɔnyɔŋ.

GENESIS 6:9

Emi edi mbuk emana Noah: Noah enen oyuŋ ɔfɔn ama ke eyo esie,

2 SAMUEL 7:7

Ke ofuri isaŋ emi ŋkasaŋade ke otu kpukpru nditɔ Israel, nte mma ndɔhɔ ikɔ ye esien Israel ekededi, eke ŋkowukde nte ebɔk ikɔt mi Israel, nte Nsinam mbufo mibɔpke ufɔk cedar inɔ mi?

ŊWED MME PSALM 50:7

Mbufo, ikɔt mi, ekop, ndien nyedɔhɔ ikɔ; O Israel, kop, ndien nyesua nnɔ fi.

EXODUS 29:45

Nyenyuŋ nduŋ ke otu nditɔ Israel, nnyuŋ ndi Abasi mmɔ.

EXODUS 29:46

Ndien mmɔ eyefiɔk ete ke ami ndi Jehovah Abasi mmɔ, emi ŋkosiode mmɔ ke isɔŋ Egypt, man nduŋ ke otu mmɔ: ami ndi Jehovah Abasi mmɔ.

EXODUS 3:6

Enye onyuŋ ɔdɔhɔ ŋko ete, Ami ndi Abasi usɔ, Abasi Abraham, ye Abasi Isaac, ye Abasi Jacob. Ndien Moses ofuk iso esie: koro enye efehede Abasi ndise.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

EZEKIEL 36:38

Nte otu edisana ufene, kpa nte otu ufene Jerusalem ke mme usɔrɔ esie; kpasuk ntre ke mme obio emi ekewurede editie, otu owo eyeyɔhɔ ke esit, Ndien mmɔ eyefiɔk ete ke ami ndi Jehovah.

JOEL 2:27

Ndien mbufo eyefiɔk ete ke ami ndodu Israel ke ufɔt, ami nnyuŋ ndi Jehovah Abasi mbufo, eŋwen inyuŋ iduhe; ikɔt mi idinyuŋ ikwe but ke nsinsi.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

NUMBERS 5:3

mbufo esioŋo eren ye ŋwan efep enim ke edem nna; man ekusabare mme nna mmɔ emi ami nduŋde ke otu mmɔ.

MATTHEW 22:32

Ami ndi Abasi Abraham ye Abasi Isaac, ye Abasi Jacob? Enye idige Abasi mme akpa-mkpa, edi edi eke mme odu-uwem.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

DEUTERONOMY 23:14

Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.

DEUTERONOMY 23:15

Kuda ofin eke efehede itɔk ɔkpɔŋ andinyene etiene fi, uyak unɔ andinyene:

MME HEBREW 11:16

Edi ke emi mmɔ eyom isɔŋ eke ɔfɔnde akan, oro edi, isɔŋ eke odude ke heaven. Mmɔdo inamke Abasi but ndikere Abasi mmɔ; koro Enye ama ebeŋe Obio ɔnɔ mmɔ.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.