LEVITICUS 25:2 - Edisana ñwed Abasi Ibom

² Dɔhɔ nditɔ Israel, ete mmɔ, Ke ini mbufo edidukde ke isɔŋ emi ami mmɔŋ nnɔ mbufo, yak isɔŋ oro onim ndien sabbath ɔnɔ Jehovah.

LEVITICUS 25:2 ပူးပေါင်းရင်းမြစ်များ

2 CHRONICLES 36:21

kpaŋ uyo Jehovah ke inua Jeremiah ekpekem, tutu isɔŋ adia mme sabbath esie: ofuri ini emi enye anade ikpikpu, enye onim sabbath tutu isua ata ye duop eyɔhɔ.

ŊWED MME PSALM 115:16

Enyɔŋ edi heaven Jehovah: edi enye ada isɔŋ ɔnɔ nditɔ owo.

EXODUS 23:10

Ndien tɔ iŋwaŋ fo ke ofuri isua itiokiet, nyuŋ taŋ mbuŋwum esie:

ISAIAH 8:8

ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

LEVITICUS 14:34

Ke adaŋemi mbufo edidukde ke isɔŋ Canaan, emi ami nyomde ndinɔ mbufo enyene, ndinyuŋ nsinde udɔŋɔ akpa-mfia ke ufɔk ke isɔŋ emi mbufo edinyenede;

LEVITICUS 23:32

Mbufo enim enye ke akakan sabbath, enyuŋ esuk ukpɔŋ mbufo: ke ɔyɔhɔ usen ɔfiɔŋ usukkiet ke mbubreyo, ɔtɔŋɔde ke mbubreyo tutu osim ke mbubreyo, ke mbufo edinim sabbath mbufo.

LEVITICUS 25:1

NDIEN Jehovah ɔdɔhɔ Moses ke obot Sinai, ete,

LEVITICUS 25:3

Tɔtɔ iŋwaŋ fo ke ofuri isua itiokiet, nyuŋ diɔŋ iŋwaŋ vine fo ke ofuri isua itiokiet, nyuŋ tet mbuŋwum esie;

DEUTERONOMY 32:49

Dɔk ke obot Abarim emi, kpa obot Nebo, emi odude ke isɔŋ Moab, emi asakde iso ese Jericho; ndien se isɔŋ Canaan, emi ami nnɔde nditɔ Israel nte eda enyene;

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.

DEUTERONOMY 34:4

Ndien Jehovah ɔdɔhɔ enye, ete, Emi edi isɔŋ emi ŋkɔŋwɔŋɔde nnɔ Abraham, ye Isaac, ye Jacob, nte, Nyeda enye nnɔ ubon fo: mmayak fi okut ke enyin, edi udubehe uka do.