LEVITICUS 24:22 - Edisana ñwed Abasi Ibom

²² Mbufo enim ubɔk ido kiet ye esen owo, ye eyen isɔŋ: koro ami ndide Jehovah Abasi mbufo.

LEVITICUS 24:22 ပူးပေါင်းရင်းမြစ်များ

EXODUS 12:49

Yak enim ido kiet, ekpedi amana do, okponyuŋ edi esen owo eke oduŋde ke otu mbufo.

LEVITICUS 17:10

Ndien ŋko ama onyuŋ edi owo ekededi eke otode ufɔk Israel, mme onyuŋ otode isen emi eduŋde ke otu mbufo, eke edidiade oruk iyip ekededi, nyewuk iso nse ukpɔŋ oro adiade iyip, nyenyuŋ nsibe enye ke mbio-obio mmɔ mfep.

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

LEVITICUS 24:23

Ndien Moses ɔdɔhɔ nditɔ Israel ete eda owo oro okosuŋide ewɔrɔ ke edem nna, eketɔŋɔ enye ke itiat. Ndien nditɔ Israel enam kpa nte emi Jehovah eketemede Moses.

NUMBERS 15:29

Mbufo enim ubɔk ewuhɔ kiet ye owo emi abiatde mbet ke ndudue, edide amana ke otu nditɔ Israel, onyuŋ edide esen emi oduŋde ke otu mmɔ.

NUMBERS 9:14

Ndien edieke esen owo ediduŋde ke otu mbufo, onyuŋ oyom ndinim passover nnɔ Jehovah: yak enye anam nte mme ewuhɔ passover, ye ido esie esaŋade: yak esen owo ye amana ke isɔŋ enim ubɔk ido kiet.

DEUTERONOMY 1:16

Ndien mma nnyuŋ ŋwuk mme ebierikpe mbufo, ke ini oro, nte, Mbufo ekop ikɔ nditɔ-ete mbufo, enyuŋ ekpe edinen ikpe ke ufɔt owo ye eyen-ete esie, ye esen owo esie.