LEVITICUS 23:3 - Edisana ñwed Abasi Ibom

³ Yak enam utom ke ofuri usen itiokiet: edi ɔyɔhɔ usen itiaba edi akakan sabbath, edisana esop; mbufo ekunam baba ubɔk-utom (ke esit): enye edi sabbath Jehovah ke kpukpru ebiet iduŋ mbufo.

LEVITICUS 23:3 ပူးပေါင်းရင်းမြစ်များ

EXODUS 16:23

Ndien enye ɔdɔhɔ ete, Emi ke Jehovah ɔkɔdɔhɔ ete, Mkpɔŋ edi nduɔk-odudu edisana sabath Jehovah: mbufo esaŋ se eyomde ndisaŋ, enyuŋ etem se eyomde nditem; ndien eda ofuri nsuhɔ enim enɔ idem mbufo ekpeme tutu eyo esiere.

EXODUS 16:29

Mbufo ese, koro Jehovah ɔnɔde mbufo sabbath, mmɔdo enye ɔnɔde mbufo udia usen iba ke ɔyɔhɔ usen itiokiet; kpukpru mbufo etie ke itie mbufo; owo baba kiet okuwɔrɔ ɔkpɔŋ ɔtɔ esie ke ɔyɔhɔ usen itiaba.

EXODUS 16:30

Ntre ke mmɔ eduɔk ododu ke ɔyɔhɔ usen itiaba.

EXODUS 23:12

Nam utom fo ke ofuri usen itiokiet, ndien ke ɔyɔhɔ itiaba dop; man enaŋ fo ye ass fo etie suŋ, man eyen ofin aŋwan fo ye esen owo enyuŋ eduɔk odudu.

EXODUS 34:21

Nam utom ke ofuri usen itiokiet: ndien dop ke ɔyɔhɔ usen itiaba: dop ke ini utɔ, ye ke ini ukpeŋe.

ISAIAH 56:2

Ɔfɔfɔn ɔnɔ owo eke edinamde ŋkpɔ emi, ɔnɔ eyen owo eke edimumde ŋkpɔ emi akama; eke ekpemede sabbath, ndien mibiatke enye, onyuŋ ekpemede ubɔk esiemɔ, mbak edinam idiɔkŋkpɔ ekededi.

ISAIAH 56:6

Ndien ama edi nditɔ isen owo ŋko emi ediande idem ye Jehovah, enyuŋ enamde ŋkpɔ esie, enyuŋ emade enyiŋ Jehovah, enyuŋ edide ikɔt esie: kpukpru mmɔ eke enimde sabbath, mbak edibiat enye, enyuŋ emumde ediomi mi ekama:

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

LEVITICUS 19:3

Kpukpru mbufo ebak eka mbufo ye ete mbufo, enyuŋ enim mme sabbath mi: ami ndi Jehovah Abasi mbufo.

LUKE 13:14

Edi etubom synagogue ayat esit koro Jesus anamde udɔŋɔ okure ke sabbath onyuŋ ɔdɔhɔ mbio oro, ete, Usen itiokiet edu nte owo ekpenamde utom ke esit: mbufo edi ke mme usen oro, man enam udɔŋɔ ekure mbufo; ekudi ke sabbath.

LUKE 23:56

Ndien mmɔ efiak enyɔŋɔ eketim ufuɔ ŋkpɔ ye myrrh. Ndien ke sabbath mmɔ eduɔk odudu nte ibet etemede.

UTOM MME APOSTLE 15:21

Koro toto ke eset Moses ama enyene mmɔ emi ekwɔrɔde enye ke kpukpru obio, ke emi ekotde enye ke mme synagogue kpukpru sabbath.

ERIYARARE 1:10

Ŋkodu ke Spirit ke usen Ɔbɔŋ ndien ŋkop, ɔkpɔsɔŋ uyo ke edem mi, emi ebietde uyo ukorowo, nte ɔdɔhɔde ete,