LEVITICUS 22:8 - Edisana ñwed Abasi Ibom

⁸ Enye okuta se ikpade ikpɔŋ, ye se unam awaide, mbak edisabare idem esie ke esit: ami ndi Jehovah.

LEVITICUS 22:8 ပူးပေါင်းရင်းမြစ်များ

EXODUS 22:30

Ntre ke afo edinam ye enaŋ fo, ye erɔŋ fo: yak etie ye eka esie ke usen itiaba; ke ɔyɔhɔ usen itiaita da enye nɔ mi.

EXODUS 22:31

Mbufo enyuŋ edi edisana ikɔt mi; ekunyuŋ eta unam eke ewaide ke ikɔt; mbufo etop enye enɔ ebua.

EZEKIEL 4:14

Ndien ndɔhɔ nte, O Ɔbɔŋ Jehovah, sese, ukpɔŋ mi akanam isabakede; ŋkonyuŋ ntaha se ikpade ikpɔŋ, ye se unam awaide, toto ke uyen mi tutu osim emi; ndek-ndek unam akanam inyuŋ idukke mi ke inua.

EZEKIEL 44:31

Mme oku ekuta baba ŋkpɔ kiet eke akpade ikpɔŋ, ye se ewaide, edide inuen, onyuŋ edide ufene.

LEVITICUS 17:15

Ndien kpukpru owo ke otu nditɔ isɔŋ, ye ke otu isen, eke editade se ikpade ikpɔŋ, mme se unam ikɔt awaide, enyene ndiyet edisine-ŋkpɔ mmɔ, nnyuŋ nyet idem mmɔ ke mmɔŋ, ndien edehe tutu osim mbubreyo: ndien mmɔ edidi edisana.

LEVITICUS 7:24

Ndien yak eda ikpɔŋ unam eke akpade ikpɔŋ, ye ikpɔŋ unam eke ewaide, enam oruk utom ekededi: edi mbufo ekuta enye baba.

DEUTERONOMY 14:21

Mbufo ekuta baba unam kiet eke akpade ikpɔŋ: da enye nɔ esen owo emi odude ke obio fo, ete ata enye; midige, men enye nyam nɔ eyen idut efen: koro afo edide edisana ikɔt Jehovah Abasi fo. Kutem eyen ebot ke mmɔŋ-eba eka esie.