LEVITICUS 22:25 - Edisana ñwed Abasi Ibom

²⁵ Mbufo ekunyuŋ ebɔ esen owo baba oruk ŋkpɔ emi kiet ke ubɔk, ewa uyo Abasi mbufo: koro mbiara odude ke esit, mmɔ ebiomo ndo: idibɔhɔ mbufo ŋkpɔ oro ke ubɔk.

LEVITICUS 22:25 ပူးပေါင်းရင်းမြစ်များ

EZEKIEL 44:7

koro mbufo emade mbon idut emi minaŋa mbobi ke esit, minyuŋ inaŋa mbobi ke obukidem, eduk, man mmɔ edu ke edisana ebiet mi, enyuŋ esabare ufɔk mi, ke adaŋemi mbufo edade uyo mi, ye ikpɔŋ, ye iyip edisɔk; ndien mmɔ ebiat ediomi mi, oto ke kpukpru mbubiam mbufo.

LEVITICUS 21:6

Yak mmɔ edi edisana ikɔt Abasi mmɔ, ekunyuŋ ebiat enyiŋ Abasi mmɔ: koro edi mmɔ edi mme awa uwa ikaŋ Jehovah, ye uyo Abasi mmɔ: yak mmɔ edi edisana ndien.

LEVITICUS 21:8

Nam enye edi edisana ndien: koro edide enye edi awa uyo Abasi fo: nim enye ke edisana: koro ami Jehovah, emi nnamde mbufo esana, ndi edisana.

LEVITICUS 22:26

Ndien Jehovah ɔdɔhɔ Moses, ete,

NUMBERS 16:40

Man edi ŋkpɔ eriti nditɔ Israel, man esen owo, emi mitoho ke ubon Aaron, okusaŋa ekpere ndifɔp incense ke iso Jehovah; man okutie nte Korah ye mme nsaŋa esie: kpa nte emi Jehovah ɔkɔdɔhɔde enye ke ubɔk Moses.

ŊWED MBON EPHESUS 2:12

ete, mbufo ikasaŋake ŋkpɔ ye Christ ke ini oro, ikonyuŋ inyeneke udeme ke obio Israel, inyuŋ idi isen ye mme ediomi eke edade mme uŋwɔŋɔ Abasi edi; inyeneke idori-enyin, inyuŋ ifiɔkke Abasi ke ererimbot.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.