LEVITICUS 22:23 - Edisana ñwed Abasi Ibom

²³ Edi afo emekeme ndida enaŋ, mme eyen erɔŋ eke edide utibe, ŋwa ke ŋkpɔ ima esit; edi ama edi akaŋa, idibɔhɔ fi.

LEVITICUS 22:23 ပူးပေါင်းရင်းမြစ်များ

EXODUS 35:29

Kpukpru iren ye iban eke esit mmɔ enyimede ndida ŋkpɔ nsɔk, ke kpukpru utom emi Jehovah okowukde ke ubɔk Moses ete enam: kpa nditɔ Israel eda ŋkpɔ ima esit esɔk Jehovah.

LEVITICUS 21:18

Koro baba ofuri owo kiet eke obiomode ndo okusaŋa ekpere: mme nnam, mme mbuŋɔ, mme abara ibuo, mme utibe owo,

LEVITICUS 22:22

Edide nnan, onyuŋ edide mbuŋɔ, mme se idade unan, mme se inyuŋ itakde ndɔk, mme mfat, mme edide se idɔŋɔde mkpɔk, mbufo ekuwa mme mmɔ emi enɔ Jehovah, ekunyuŋ eda mmɔ enɔ Jehovah ke uwa ikaŋ ke itie-uwa.

LEVITICUS 22:24

Ndien mbufo ekuda se etimde tim, mme se enuakde nuak, mme se esiode sio, mme se ekpide kpi, ewa enɔ Jehovah; ekunyuŋ enam (ŋkpɔ oro) ke isɔŋ mbufo.

MALACHI 1:8

Ndien ke ini mbufo edade nnan edi ediwa, nte idiɔkke? Ndien ke ini mbufo edade mbuŋɔ ye eke ɔdɔŋɔde udɔŋɔ edi, nte idiɔkke? Da enye naŋa sɔk ɔbɔŋ fo; nte enye edinem esit ye afo? Nte enye edinyuŋ okpono iso fo? Jehovah mme udim ɔdɔhɔ.

DEUTERONOMY 15:21

Edi enye ama obiomo ndo, edide mbuŋɔ, onyuŋ edide nnan, mme ama obiomo idiɔk ndo ekededi, kuwa enye unɔ Jehovah Abasi fo.

DEUTERONOMY 17:1

KUDA baba enaŋ kiet ye erɔŋ kiet eke obiomode ndo, ŋkpɔ ekededi eke ɔdiɔkde, uwa unɔ Jehovah Abasi fo: koro Jehovah Abasi fo esede oro ke ŋkpɔ ndek.