LEVITICUS 22:18 - Edisana ñwed Abasi Ibom

¹⁸ Dɔhɔ Aaron, ye nditɔ esie, ye kpukpru nditɔ Israel, ete mmɔ, Ama edi owo ufɔk Israel ekededi, ye eke isen owo ke Israel, eke edidade enɔ esie edi, edide akaŋa mmɔ ekededi, onyuŋ edide ŋkpɔ ima esit mmɔ ekededi, eke mmɔ edidade enɔ Jehovah ke edifɔp uwa;

LEVITICUS 22:18 ပူးပေါင်းရင်းမြစ်များ

2 CHRONICLES 31:14

Ndien Kore eyen Imnah Levite kiet, etie-usuŋ ke edem usiaha-utin, edi etubom ŋkpɔ emi enɔde Abasi ke ima esit, man edeme enɔ Jehovah, ye ata edisana ŋkpɔ.

ŊWED MME PSALM 116:14

Nyesio mme akaŋa mi nnɔ Jehovah kpa ke iso ofuri ikɔt esie.

ŊWED MME PSALM 116:18

Nyesio mme akaŋa mi nnɔ Jehovah, kpa ke iso ofuri ikɔt esie,

ŊWED MME PSALM 22:25

Itoro mi eyeto fi ke akamba esop: nyesio akaŋa mi ke iso mmɔ eke ebakde enye.

ŊWED MME PSALM 56:12

O Abasi, mme akaŋa fo edoro mi ke idem: nyenɔ fi ekɔm.

ŊWED MME PSALM 61:5

Koro afo, O Abasi, okopde akaŋa mi: Afo ada udeme mmɔ eke ebakde enyiŋ fo ɔnɔ mi.

ŊWED MME PSALM 61:8

Ntre ke ndikwɔ enyiŋ fo ke nsinsi, nnyuŋ nnɔ akaŋa mi kpukpru usen.

ŊWED MME PSALM 65:1

O ABASI, suŋ-suŋ itoro enyene fi ke Zion, eyenyuŋ enɔ fi akaŋa.

ŊWED MME PSALM 66:13

Nyeda edifɔp uwa nduk ke ufɔk fo: nnyuŋ nnɔ fi akaŋa mi.

EXODUS 12:5

Yak eyen ufene mbufo ɔfɔn ama, edi ayara, osim isua kiet: mbufo esioŋo enye edide ke erɔŋ, onyuŋ edide ke ebot.

ECCLESIASTES 5:4

Adaŋa-emi afo akaŋade akaŋa ɔnɔ Abasi, kubebigi ndinɔ enye: koro mbon ndisine minemke enye esit: nɔ se afo akaŋade.

LEVITICUS 1:10

Ndien enɔ esie ama oto ke ŋkpri ufene, mme ke erɔŋ, mme ke ebot, ke eke edifɔp uwa, yak enye ada ayara eke ɔfɔnde ama ɔsɔk.

LEVITICUS 1:2

Dɔhɔ nditɔ Israel, ete mmɔ, Ke ini owo mbufo kiet oyomde ndida enɔ nsɔk Jehovah, mbufo edida enɔ mbufo ke ufene, mme ke enaŋ, mme ke ŋkpri ufene esɔk.

LEVITICUS 17:10

Ndien ŋko ama onyuŋ edi owo ekededi eke otode ufɔk Israel, mme onyuŋ otode isen emi eduŋde ke otu mbufo, eke edidiade oruk iyip ekededi, nyewuk iso nse ukpɔŋ oro adiade iyip, nyenyuŋ nsibe enye ke mbio-obio mmɔ mfep.

LEVITICUS 17:13

Ndien ŋko owo ekededi eke otode nditɔ Israel, eke onyuŋ otode isen emi eduŋde ke otu mbufo, eke ebinde ikɔt omum unam mme inuen eke etade eta; yak enye ɔduɔk iyip esie, ndien ada ntan ofuk enye.

LEVITICUS 22:17

Ndien Jehovah ɔdɔhɔ Moses, ete,

LEVITICUS 23:38

ekɔrɔ ke mme sabbath Jehovah, ye enɔ mbufo, ye kpu-kpru akaŋa mbufo, ye kpu-kpru uwa ima eke mbufo enɔde Jehovah.

LEVITICUS 7:16

Edi edieke enɔ esie edide akaŋa, mme ŋkpɔ ima esit, yak eta enye ke usen eke enye adade uwa esie edi: enyuŋ eta se isuhɔde mkpɔŋ:

AMOS 4:5

enyuŋ efɔp uwa ekɔm ye leaven, enyuŋ ekwɔrɔ uwa ima esit ebuk mmɔ; koro ntem ke mbufo ema, O nditɔ Israel. Uyo Ɔbɔŋ Jehovah edi emi.

JONAH 1:16

Ndien mbon oro efehe Jehovah akwa ndik eti-eti, enyuŋ ewa uwa enɔ Jehovah, enyuŋ ekaŋa ekaŋa.

JONAH 2:9

Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

MALACHI 1:14

Edi osuk ɔdɔdiɔk ɔnɔ owo abiaŋa, eke ayara odude ke otu ufene esie, ndien enye akaŋa, onyuŋ awa obukpo ŋkpɔ ɔnɔ Ɔbɔŋ: koro ami ndide akwa edidem, enyiŋ mi onyuŋ enyene ndik ke otu mme idut. Jehovah mme udim ɔdɔhɔ.

NUMBERS 15:3

Mbufo enyuŋ eyomde ndiwa uwa ikaŋ nnɔ Jehovah, mme edifɔp uwa, mme uwa eke ewade ke erinam akaŋa, mme uwa ima, mme ke usɔrɔ mbufo, man enam edinem utebe enɔ Jehovah, edide ke enaŋ, onyuŋ edide ke ŋkpri ufene:

UTOM MME APOSTLE 18:18

Paul odu do ediwak usen, ndien enye ɔkpɔŋ nditɔ-ete, oto do osio aka Syria, asaŋa ntre ye Priscilla ye Aquila. Ndien enye okporo idet esie ke Cenchreae, koro enye akakaŋade akaŋa.

DEUTERONOMY 12:17

Kuda ɔyɔhɔ ubak ibokpot fo duop mme eke ɔbufa wine fo, mme eke aran fo, mme eke akpa eyen enaŋ ye erɔŋ fo, mme eke akaŋa fo baba kiet eke afo edikaŋade, mme eke uwa ima esit fo, mme eke edimenere uwa ubɔk fo, udia ke ebiet fo:

DEUTERONOMY 12:6

mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.

DEUTERONOMY 16:10

Ndien nim usɔrɔ mme urua nɔ Jehovah Abasi fo, ke utomo enɔ ubɔk fo eke afo ɔnɔde ke ima esit, kpa nte Jehovah Abasi fo ɔdiɔŋde fi: