LEVITICUS 20:8 - Edisana ñwed Abasi Ibom

⁸ Mbufo enyuŋ enim mme ewuhɔ mi, enyuŋ enam mmɔ: edi ami Jehovah nnam mbufo esana.

LEVITICUS 20:8 ပူးပေါင်းရင်းမြစ်များ

EXODUS 31:13

Afo nyuŋ dɔhɔ nditɔ Israel ete, Mbufo etim enim sabath mi: koro enye edidi idiɔŋɔ ke ufɔt mi ye mbufo ke ofuri emana mbufo; man mbufo efiɔk ete ke edi ami Jehovah nnim mbufo ke edisana.

EZEKIEL 20:12

Ami nnyuŋ nnɔ mmɔ mme sabbath mi, man edi idiɔŋɔ ke ufɔt mi ye mmɔ, man mmɔ efiɔk ete ke edi ami Jehovah nnam mmɔ esana.

EZEKIEL 37:28

Ndien mme idut eyefiɔk ete ke ami Jehovah nnam Israel esana, ke ini edisana ebiet mi odude ke ufɔt mmɔ ke nsinsi.

LEVITICUS 19:19

Mbufo enim mme ewuhɔ mi. Kuyak oruk ufene fo efen edoro oruk eken: kubuak uduot usuan ke iŋwaŋ fo: kunyuŋ usine mbuaha ɔfɔŋidem eke enamde ke linen ye idet erɔŋ.

LEVITICUS 19:37

Mbufo enim ndien kpukpru mme ewuhɔ mi, ye kpukpru item mi, enyuŋ enam mmɔ: ami ndi Jehovah.

LEVITICUS 20:26

Ndien mbufo edidi edisana ikɔt mi: koro ami Jehovah ndide edisana, nyenyuŋ ndianare mbufo ye mme idut efen, man mbufo edi okim.

LEVITICUS 21:8

Nam enye edi edisana ndien: koro edide enye edi awa uyo Abasi fo: nim enye ke edisana: koro ami Jehovah, emi nnamde mbufo esana, ndi edisana.

LEVITICUS 22:32

Mbufo ekunyuŋ ebiat edisana enyiŋ mi; edi yak enim mi ke edisana ke otu nditɔ Israel: edi ami Jehovah nnim mbufo ke edisana,

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

MATTHEW 23:17

Mbufo ndisime ye nnan; koro ewe okpon akan, mme edi gold, mme edi temple emi anamde gold edi ibet?

MATTHEW 5:19

Mmɔdɔ owo ekededi eke edibiatde ata ekpri ibet emi kiet, edinyuŋ ekpepde owo efen nditiene mbiat, eyekot enye ata ekpri ke Obio Ubɔŋ Heaven: edi owo ekededi eke edinimde, edinyuŋ ekpepde owo efen ndinim, eyekot enye akamba ke Obio Ubɔŋ Heaven.

MATTHEW 7:24

Mmɔdo kpukpru owo eke ekopde ikɔ Mi emi, enyuŋ enimde mmɔ, nyedomo enye ye enyene-ibuot owo emi ɔbɔpde ufɔk esie ke enyɔŋ akamba itiat:

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

1 ŊWED THESSALONICA 5:23

Abasi emem ke Idem Esie akpakam anam mbufo esana ofuri-ofuri, onyuŋ ekpeme mbufo ofuri-ofuri ke spirit ye ukpɔŋ ye ikpɔhidem, anam mbufo ekunyene ndo ke ini Ɔbɔŋ nnyin Jesus Christ edidide.

2 ŊWED THESSALONICA 2:13

Edi ana ɔnɔ nyin ndikɔm Abasi kpukpru ini mbaŋa mbufo, nditɔ-ete emi Ɔbɔŋ amade, koro Abasi ama ɔkɔtɔŋɔ ke eritɔŋɔ emek mbufo ɔnɔ erinyaŋa, ke erinam mbufo esana ke Spirit, ye ke erinam mbufo ebuɔt idem ke akpanikɔ Esie.

JAMES 1:22

Yak mbufo edi mme anam-ikɔ, ekudi mme andikokop ikpɔŋ-ikpɔŋ, ebiaŋa idem.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.