LEVITICUS 20:22 - Edisana ñwed Abasi Ibom

²² Mbufo enim ndien kpukpru ewuhɔ mi, ye kpukpru item mi, enyuŋ enam mmɔ; mbak isɔŋ emi ami ndade mbufo nduk do nte eduŋ ke esit, edikpɔhi mbufo ɔduɔk.

LEVITICUS 20:22 ပူးပေါင်းရင်းမြစ်များ

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

ŊWED MME PSALM 119:160

Ofuri ikɔ fo edi akpanikɔ: kpukpru ndinen ikpe fo enyuŋ edu ke nsinsi.

ŊWED MME PSALM 119:145

Nda ofuri esit nseme; yere mi, O Jehovah; nyenim mme ewuhɔ fo.

ŊWED MME PSALM 119:80

Nam esit mi ɔfɔn ama ke mme ewuhɔ fo; man but okunam mi.

ŊWED MME PSALM 119:20

Ukpɔŋ mi amanuaha, koro mme ikpe fo edɔŋde mi kpukpru ini.

ŊWED MME PSALM 105:45

kpaŋ mmɔ ekpenim mme ewuhɔ esie, enyuŋ ekpe, mbet esie. Mbufo etoro Jehovah.

ŊWED MME PSALM 119:175

Yak ukpɔŋ mi odu uwem, onyuŋ otoro fi; yak mme ikpe fo enyuŋ eŋwam mi.

ŊWED MME PSALM 119:171

Mkpɔk-inua mi eyeŋwaŋa itoro; koro afo edikpepde mi mme ewuhɔ fo.

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 4:45

mme mmɔ emi edi ikɔ ntiense, ye mme ewuhɔ, ye mme item, emi Moses eketiŋde ɔnɔ nditɔ Israel, ke mmɔ ema eketo ke Egypt ewɔrɔ;

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.

LEVITICUS 19:37

Mbufo enim ndien kpukpru mme ewuhɔ mi, ye kpukpru item mi, enyuŋ enam mmɔ: ami ndi Jehovah.

EXODUS 21:1

NDIEN da mme ewuhɔ emi nim ke iso mmɔ.

ŊWED MME PSALM 119:164

Ntoro fi utim ikatiaba ke usen, mbaŋa edinen ikpe fo.

ŊWED MME PSALM 119:106

Mmɔŋwɔŋɔ, nyenyuŋ nnim enye, nte ke ndikpeme ndinen ikpe fo.