LEVITICUS 2:16 - Edisana ñwed Abasi Ibom

¹⁶ Ndien oku ada editi ubak esie, ɔkɔrɔ ye kpukpru frankincense esie, ɔfɔp ke uwa ikaŋ Jehovah.

LEVITICUS 2:16 ပူးပေါင်းရင်းမြစ်များ

ŊWED MME PSALM 141:2

Yak akam mi ada ke iso fo nte incense; yak umenere ubɔk mi etie nte uwa mbubreyo.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

LEVITICUS 1:9

Ndien yak owo ada mmɔŋ eyet ŋkpɔ esit idibi esie, ye nnuk esie: ndien oku ɔfɔp kpukpru ke itie-uwa, ke edifɔp uwa, uwa ikaŋ, ɔnɔ Jehovah ke edinem utebe.

LEVITICUS 2:12

Ama edi enɔ akpa mfri, mbufo edida mmɔ esɔk Jehovah: edi ekudori mmɔ ke itie-uwa ke edinem utebe.

LEVITICUS 2:14

Ndien edieke afo edidade uwa akpa mfri ɔsɔk Jehovah, da mbuot obufa ibokpot eke efɔpde ke ikaŋ, editim mbuŋwum iŋwaŋ, sɔk ke inuak-udia akpa mfri fo.

LEVITICUS 2:15

Nyuŋ sin aran ke esit: nyuŋ dori frankincense ke esit: enye edi inuak-udia.

LEVITICUS 2:9

Ndien oku osio editi ubak inuak-udia oro, emen ɔfɔp ke itie-uwa, ke uwa ikaŋ eti utebe, ɔnɔ Jehovah.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;