LEVITICUS 2:1 - Edisana ñwed Abasi Ibom

¹ NDIEN ke ini owo adade enɔ inuak-udia ɔsɔk Jehovah, enɔ esie edidi eti ndom-uyo: yak enye onyuŋ ɔtɔhɔ aran esin ke esit, onyuŋ adian frankincense ke esit:

LEVITICUS 2:1 ပူးပေါင်းရင်းမြစ်များ

EXODUS 29:2

ye uyo eke leaven miduhe, ye obukpa uyo eke leaven miduhe, eke eyetde aran; nam mmɔ ke ata eti ndom wheat.

ISAIAH 43:23

Afo ukadaha ŋkpri ufene ufɔp uwa fo usɔk mi, ukonyuŋ ukponoke mi ke mme uwa emem fo. Ŋkesinke fi anam ŋkpɔ mi ke uwa, nnyuŋ nsinke incense efek fi.

ISAIAH 66:20

Ndien mmɔ eyeda kpukpru nditɔ-ete mbufo ke kpukpru mme idut, edisɔk Jehovah ke enɔ, edoro ke horse, ye chariot, ye hammock, ye mule, ye dromedary, ke enyɔŋ edisana obot mi Jerusalem, (emi edi uyo Jehovah), kpa nte nditɔ Israel esinde enɔ ke edisana ŋkpɔ eda edi ke ufɔk Jehovah.

EZEKIEL 46:20

Ndien enye ɔdɔhɔ mi, ete, Ke ebiet emi ke mme oku editem uwa mme ndudue do, ye uwa idiɔk ido, eke mmɔ edisaŋde inuak-udia; man ekuda mmɔ ewɔrɔ ke akwa okure, edinim mbio-obio ke edisana.

JOEL 1:9

Emesibe inuak-udia ye uwa ediŋwɔŋ-ŋkpɔ ke ufɔk Jehovah efep; mme oku, mme anam-ŋkpɔ Jehovah, eseme.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

LEVITICUS 14:10

Ndien ke ɔyɔhɔ usen itiaita, yak enye ada nditɔ okukim iba eke efɔnde ema, ye uman eyen enaŋ isua kiet, eke ɔfɔnde ama, ye omer eti ndom-uyo ita eke ebuakde ye aran, ke uwa udia, ye ubak pint aran kiet.

LEVITICUS 24:7

Nyuŋ da edisana frankincense dori ke udim, man odoro ke uyo nte ŋkpɔ eriti, uwa ikaŋ Jehovah.

LEVITICUS 5:11

Edi edieke ubɔk mikemke enye ke mbomoŋkuku iba, mme nditɔ ibiom iba; ndien yak andidue ada omer eti ndom-uyo kiet ke enɔ eise, ke uwa idiɔk ido, edi enye okusin aran ke esit, okunyuŋ adian frankincense ke esit: koro enye edide uwa idiɔk ido.

LEVITICUS 6:7

ndien oku edisio isop esie ke iso Jehovah; ndien eyefen enye ke ŋkpɔ ekededi eke enye anamde ke eridue ke esit.

LEVITICUS 9:17

Ndien enye onyuŋ ada inuak udia edi, owobi ɔyɔhɔ ubɔk, ada ɔfɔp ke itie-uwa, adian ye edifɔp uwa usen-ubɔk.

LEVITICUS 9:4

ye okukim, ye mme uwa emem, eke ewade ke iso Jehovah; ye inuak-udia mbuaha ye aran: koro mfin emi ke Jehovah ediwut mbufo idem.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

NUMBERS 18:9

Emi edidi okuo ke otu ata edisana ŋkpɔ eke mifɔpke ke ikaŋ: kpukpru enɔ mmɔ, ye kpukpru inuak-udia mmɔ, ye kpukpru uwa idiɔk ido mmɔ, ye kpukpru uwa isop mmɔ, eke mmɔ edidade esɔk mi, enye edi ata edisana ŋkpɔ fo, ye eke nditɔ fo.

NUMBERS 28:5

ye omer kiet eti ndom-uyo ke inuak-udia, emi abuahade ye quart editim aran;

NUMBERS 29:18

ye inuak-udia mmɔ, ye ndiŋwɔŋ uwa, mmɔ, ke eke enaŋ, ye ke eke okukim, ye ke eke nditɔ erɔŋ, ke adaŋa ibat mmɔ, nte ido mmɔ asaŋade:

NUMBERS 7:13

ndien enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran ke eke inuak-udia ɔyɔhɔ ke mbiba:

NUMBERS 7:19

enye ada enɔ esie edi, bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom uyo emi abuahade ye aran ke eke inuak-udia ɔyɔhɔ ke mbiba:

NUMBERS 8:8

Ndien yak mmɔ eda abak enaŋ ye inuak-udia esie, eti ndom uyo eke abuahade ye aran, nyuŋ da abak enaŋ efen ke uwa idiɔk ido.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

1 JOHN 2:20

Edi Enye emi edide Edisana ama aŋwaŋa Spirit mbufo ke idem, kpukpru mbufo emenyuŋ efiɔk akpanikɔ.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

JUDE 1:20

Edi ndima, mbufo ebɔp idem ke enyɔŋ edisana mbuɔtidem mbufo ekɔri, ebɔŋ akam ke Edisana Spirit; ntem ke edimum idem mbufo enim ke ima Abasi,

ERIYARARE 8:3

Angel efen edi edida ekpere itie-uwa enyene ŋkpɔ-ufɔp-incense o-gold; ema enyuŋ enɔ enye ekese incense, ete ada adian ye akam kpukpru ikɔt Abasi ke itie uwa o-gold emi odude ke iso ebekpo.