LEVITICUS 19:5 - Edisana ñwed Abasi Ibom

⁵ Ndien ŋko ke ini mbufo ewade uwa emem enɔ Jehovah, ewa enye ke ima esit mbufo.

LEVITICUS 19:5 ပူးပေါင်းရင်းမြစ်များ

2 CHRONICLES 31:2

Ekem Hezekiah otim ŋka mme oku ye eke mme Levite onim ke ŋka mmɔ, kpukpru mme oku ye mme Levite nte utom mmɔ edide, ke eke edifɔp uwa, ye uwa emem, ndinam ŋkpɔ, nnyuŋ ŋkɔm, nnyuŋ ŋkwɔ itoro ke inua-otop nna Jehovah;

EXODUS 24:5

Ndien enye ɔdɔŋ mkparawa nditɔ Israel, ndien mmɔ efɔp edifɔp uwa, enyuŋ ewa uwa emem ke enaŋ enɔ Jehovah.

EZEKIEL 46:12

Ndien adaŋemi ɔbɔŋ oyomde ndiwa edifɔp uwa ima-esit, ye uwa emem ima-esit, nnɔ Jehovah, yak owo osio usuŋ emi esede edem usiaha-utin ɔnɔ enye, ndien enye awa edifɔp uwa esie ye uwa emem esie, kpa nte enye anamde ke sabbath: ndien ke enye ɔwɔrɔde, yak owo ɔkɔbi usuŋ, ke adaŋemi enye ɔwɔrɔde ama.

EZEKIEL 46:2

Ndien yak ɔbɔŋ oto ke usuŋ etehe inua-otop ke esien, edi edida ke ɔtɔ obubɔk enyin usuŋ inua-otop; ndien mme oku ewa edifɔp uwa esie ye mme uwa emem esie, yak enye onyuŋ atuak ibuot ke asaŋudɔk usuŋ: ndien ɔwɔrɔ: edi ekusin usuŋ tutu osim ke mbubreyo.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 19:4

Mbufo ekukabare etiene ndem, ekunyuŋ etara ŋkpɔ enam abasi enɔ idem mbufo: ami ndi Jehovah Abasi mbufo.

LEVITICUS 19:6

Mbufo eta se ewade ke suk usen oro ye edem usen: ndien eda se isuhɔde isim ɔyɔhɔ usen ita, efɔp ke ikaŋ.

LEVITICUS 22:19

mbufo enam ke ima esit mbufo ke eriwa ayara eke ɔfɔnde ama, edide enaŋ, onyuŋ edide erɔŋ, onyuŋ edide ebot.

LEVITICUS 22:21

Ndien ke ini owo awade uwa emem ɔnɔ Jehovah ete isio ata akaŋa imɔ, mme uwa ima esit, edide enaŋ, onyuŋ edide eke ŋkpri ufene, yak edi se ifɔnde ima, man ebɔ enye ke ubɔk; baba ndo kiet okudu enye ke idem.

LEVITICUS 22:23

Edi afo emekeme ndida enaŋ, mme eyen erɔŋ eke edide utibe, ŋwa ke ŋkpɔ ima esit; edi ama edi akaŋa, idibɔhɔ fi.

LEVITICUS 22:29

Ndien adaŋemi mbufo ediwade uwa ekɔm Jehovah, ɔfɔn mbufo ewa ke ima esit mbufo.

LEVITICUS 7:16

Edi edieke enɔ esie edide akaŋa, mme ŋkpɔ ima esit, yak eta enye ke usen eke enye adade uwa esie edi: enyuŋ eta se isuhɔde mkpɔŋ:

LEVITICUS 7:18

Ndien edieke editade unam uwa emem esie ke ɔyɔhɔ usen ita, enye idinemke (Jehovah), idinyuŋ ibatke enye inɔ andiwa; enye eyedi ŋkpɔ ndek, ndien ukpɔŋ eke editade enye edida ufen esie.