LEVITICUS 19:3 - Edisana ñwed Abasi Ibom

³ Kpukpru mbufo ebak eka mbufo ye ete mbufo, enyuŋ enim mme sabbath mi: ami ndi Jehovah Abasi mbufo.

LEVITICUS 19:3 ပူးပေါင်းရင်းမြစ်များ

GENESIS 48:12

Ndien Joseph osio mmɔ ke ŋkpatian-ukot esie, onyuŋ ɔnuhɔ

NEHEMIAH 9:14

onyuŋ anam mmɔ efiɔk edidsana sabbath fo, onyuŋ ada ubɔk Moses owo fo owuk mmɔ mbet, ye ewuhɔ ye ido:

EXODUS 16:29

Mbufo ese, koro Jehovah ɔnɔde mbufo sabbath, mmɔdo enye ɔnɔde mbufo udia usen iba ke ɔyɔhɔ usen itiokiet; kpukpru mbufo etie ke itie mbufo; owo baba kiet okuwɔrɔ ɔkpɔŋ ɔtɔ esie ke ɔyɔhɔ usen itiaba.

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

EXODUS 20:8

Ti usen sabbath nyuŋ nim enye ke edisana.

EXODUS 21:15

Ndien owo eke oyibide ete esie mme eka esie, okutre ndikpa.

EXODUS 21:17

Ndien owo eke osuŋide ete esie mme eka esie, okutre ndikpa.

MME ŊKE 1:8

Eyen mi, kop item usɔ, kunyuŋ ukpɔŋ mbet uka:

MME ŊKE 23:22

Kop uyo usɔ emi okobonde fi: kunyuŋ usin uka ke udek, koro enye ɔsɔŋde.

MME ŊKE 30:11

Emana odu eke esuŋide ete mmɔ, ndien mikɔmke eka mmɔ.

MME ŊKE 30:17

Ama edi enyin eke esuenede ete, onyuŋ esede eka ke ndek, minyuŋ ikopke uyo esie, mme raven ke itihere eyekɔŋ enye; nditɔ ntrukpom eyenyuŋ eta enye.

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

EZEKIEL 20:12

Ami nnyuŋ nnɔ mmɔ mme sabbath mi, man edi idiɔŋɔ ke ufɔt mi ye mmɔ, man mmɔ efiɔk ete ke edi ami Jehovah nnam mmɔ esana.

LEVITICUS 11:44

Koro ami ndide Jehovah Abasi mbufo; enam idem mbufo esana ndien, enyuŋ edi edisana: koro ami nsanade; ekunyuŋ esabare idem mbufo ke baba andinyɔni kiet eke ɔnyɔnide ke isɔŋ.

LEVITICUS 19:25

Ndien edia mfri esie ke ɔyɔhɔ isua ition, man mbuŋwum esie ɔtɔt ɔnɔ mbufo: ami ndi Jehovah Abasi mbufo.

LEVITICUS 19:30

Mbufo enim mme sabbath mi, enyuŋ eteŋe edisana ufɔk mi: ami ndi Jehovah.

LEVITICUS 19:31

Mbufo ekukabare etiene ekpo, ekunyuŋ ebup mbia-idiɔŋ, mbak mmɔ edisabare mbufo: ami ndi Jehovah Abasi mbufo.

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

LEVITICUS 23:3

Yak enam utom ke ofuri usen itiokiet: edi ɔyɔhɔ usen itiaba edi akakan sabbath, edisana esop; mbufo ekunam baba ubɔk-utom (ke esit): enye edi sabbath Jehovah ke kpukpru ebiet iduŋ mbufo.

LEVITICUS 26:2

Mbufo enim mme sabbath mi, enyuŋ eteŋe edisana ebiet mi: ami ndi Jehovah.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

DEUTERONOMY 27:16

Ɔdɔdiɔk ɔnɔ owo eke esinde ete esie ye eka esie ke ndek. Ndien yak kpukpru owo edɔhɔ ete, Amen.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?