LEVITICUS 19:18 - Edisana ñwed Abasi Ibom

¹⁸ Kusio usiene, kunyuŋ ukɔk nditɔ obio mbufo ekikɔhɔ edi ma mbɔhiduŋ fo nte idem fo: ami ndi Jehovah.

LEVITICUS 19:18 ပူးပေါင်းရင်းမြစ်များ

GENESIS 4:23

Ndien Lamech ɔdɔhɔ iban esie, ete, Adah ye Zillah! mbufo ekop uyo mi; iban Lamech ekpaŋ utɔŋ ke ikɔ mi: koro mma ŋwot owo mbaŋa unan mi, kpa akparawa mbaŋa mfiomo mi:

2 SAMUEL 13:22

Edi Absalom idɔhɔke baba ikɔ kiet ye Amnon eyenete esie, edide eti, onyuŋ edide idiɔk: koro Absalom asuade Amnon, koro enye akasabarede Tamar eyeneka esie.

2 SAMUEL 13:28

Ekem Absalom eteme mkparawa esie, ete, Mbufo ese ini eke wine edidukde Amnon idem, ndien adaŋemi ndɔhɔde mbufo, nte, Mbufo etɔ Amnon: ewot enye, ndien, ekufehe ndik: nte idige ami nteme mbufo: mbufo esɔŋ ubɔk, enyuŋ edi mbon uko.

ŊWED MME PSALM 103:9

Enye itɔhɔke ke nsinsi; inyuŋ ikɔhɔkede ke nsi-nsi.

EXODUS 20:16

Kutiŋ ubaŋa mbɔhiduŋ fo nte ntiense nsu.

MME ŊKE 20:22

Kudɔhɔ ete, Nyenam usiene idiɔk-ŋkpɔ: bet Jehovah, ndien enye eyeŋwam fi.

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

MATTHEW 19:16

Ndien sese, owo kiet etiene Enye, ete, Andikpep, ndinam nso eti ŋkpɔ man nnyene nsinsi uwem?

MATTHEW 19:19

Kudi ntiense nsu, Kpono usɔ ye uka, Nyuŋ ma mbɔhiduŋ fo nte idem fo.

JOHN 13:34

Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

UTOM MME APOSTLE 16:28

Edi Paul ofiori ke ɔkpɔsɔŋ uyo ete, Kunam idem fo idiɔk: koro nnyin kpukpru mi.

ŊWED MBON ROME 12:17

Ekuda idiɔk esio owo usiene idiɔk. Esin idem ekere ndinam ido eke enyenede ukpono ke enyin kpukpru owo.

ŊWED MBON ROME 12:19

Ekusio usiene enɔ idem mbufo, ndima mme ufan mi, edi ebɔk idem ke usuŋ enɔ iyaresit Abasi: koro ewet ete, Jehovah ete, Usiene enyene Mi, Ami nyesio usiene.

ŊWED MBON ROME 13:4

koro enye edide anam-utom Abasi, man ŋkpɔ ɔfɔn ye afo. Edi edieke afo anamde se idiɔkde, fehe ndik; koro enye ikamake ofut ke ikpikpu: koro enye edi anam-utom Abasi, andisio usiene ndiyarare iyaresit ye enye emi anamde idiɔk.

ŊWED MBON ROME 13:9

Koro uyo emi enɔde, ete, Kusin efibe, Kuwot owo, Kuyip inɔ, Kusin esit ke ŋkpɔ owo, ye ibet eŋwen ekededi eke odude, esine ke ikɔ kiet, emi etemede ete, Ma mbɔhiduŋ fo nte amade idem fo.

ŊWED MBON GALATIA 5:14

Koro ofuri ibet oduk ɔdɔŋɔ ke ikɔ kiet, kpa ke ikɔ emi, Ma mbɔhiduŋ fo nte amade idem fo.

ŊWED MBON GALATIA 5:20

ye obukpo ido, ye erikpono-ndem, ye eribre-idiɔŋ, ye usua, ye utɔk, ye ufup, ye iyaresit, ye ndomo-idem,

ŊWED MBON EPHESUS 4:31

Esioŋo kpukpru ndot-ndot ekikere, ye ifuresit, ye iyaresit, ye utɔk, ye isuŋi efep ke otu mbufo, ye kpukpru oruk udu:

DEUTERONOMY 32:25

Ofut ke aŋwa, ye ndik ke ubet etera mkparawa ye nditɔ-iban, eyen-nsek, ye owo eke otibede iwat.

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

ŊWED MBON COLOSSAE 3:8

Edi ke emi mbufo enyuŋ eduɔŋɔ kpukpru ido emi; esio iyaresit, ye ifuresit, ye udu, ye idiɔk ibaŋa, ye mbubiam ikɔ ke inua mbufo efep.

MME HEBREW 10:30

Koro nnyin imɔfiɔk Enye emi ɔdɔhɔde ete, Usiene edi okim, nyesio usiene; onyuŋ ɔdɔhɔde ŋko ete, Jehovah eyekpe ikpe ikɔt Esie.

JAMES 2:8

Edi edieke mbufo enimde ewuhɔ Edidem, nte ewetde ke Ŋwed Abasi ete, Ma mbɔhiduŋ fo nte amade idem fo, mbufo enam se ifɔnde;

1 PETER 2:1

MMƆDO eduɔŋɔ kpukpru udu, ye kpukpru ŋkari, ye mbubik, ye ufup, ye kpukpru idiɔk ibaŋa;

1 JOHN 4:21

Ndien item emi ke nnyin ikɔbɔ ke ubɔk Esie, ete, owo emi amade Abasi edima eyen-ete esie ŋko.