LEVITICUS 17:12 - Edisana ñwed Abasi Ibom

¹² Mmɔdo ndɔhɔde nditɔ Israel, nte Baba ofuri ukpɔŋ mbufo kiet okudia iyip, esen emi oduŋde ke otu mbufo okunyuŋ adia iyip.

LEVITICUS 17:12 ပူးပေါင်းရင်းမြစ်များ

EXODUS 12:49

Yak enim ido kiet, ekpedi amana do, okponyuŋ edi esen owo eke oduŋde ke otu mbufo.

EZEKIEL 33:25

Dɔhɔ mmɔ ndien, ete, Ntiem ke Ɔbɔŋ Jehovah ɔdɔhɔ, ete, Mbufo ke eta unam ekɔrɔ ke iyip, enyuŋ emenere enyin mbufo, ese ibɔk mbufo, enyuŋ eduɔk iyip: nte mbufo ndien edida isɔŋ enyene?

LEVITICUS 17:11

Koro uwem unam odude ke iyip: ami mmonyuŋ nda enye, ndori ke itie-uwa nnɔ mbufo, ndisio isop nnɔ ukpɔŋ mbufo: koro edide iyip osio isop ɔnɔ ukpɔŋ.

LEVITICUS 17:13

Ndien ŋko owo ekededi eke otode nditɔ Israel, eke onyuŋ otode isen emi eduŋde ke otu mbufo, eke ebinde ikɔt omum unam mme inuen eke etade eta; yak enye ɔduɔk iyip esie, ndien ada ntan ofuk enye.

LEVITICUS 3:17

Emi edidi nsinsi ewuhɔ ke ofuri emana mbufo, ke kpukpru ebiet eke mbufo eduŋde: mbufo ekuta baba ikpɔŋ, ekunyuŋ edia iyip.