LEVITICUS 17:10 - Edisana ñwed Abasi Ibom

¹⁰ Ndien ŋko ama onyuŋ edi owo ekededi eke otode ufɔk Israel, mme onyuŋ otode isen emi eduŋde ke otu mbufo, eke edidiade oruk iyip ekededi, nyewuk iso nse ukpɔŋ oro adiade iyip, nyenyuŋ nsibe enye ke mbio-obio mmɔ mfep.

LEVITICUS 17:10 ပူးပေါင်းရင်းမြစ်များ

GENESIS 9:4

Edi mbufo ekuta unam ye uwem esie, iyip esie.

2 SAMUEL 23:17

Enye onyuŋ ɔdɔhɔ, ete, Nsa mi, O Jehovah, nnamke ntem. Ke edi iyip owo eke edade uwem mmɔ eka. Ntre ke enye inyimeke ndiŋwɔŋ. Ntem ke mbon-uko ita oro ekenam.

ŊWED MME PSALM 34:16

Jehovah owuk iso ese mme anam-idiɔk, onyuŋ osibe se edade eti mmɔ ke ererimbot efep.

EXODUS 30:33

Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.

JEREMIAH 21:10

Koro mmowuk iso mi nse obio emi, nte nnam enye ɔdiɔk, nnamke enye eti ŋkpɔ, Jehovah ɔdɔhɔ: eyeda enye esin ke ubɔk edidem Babylon, ndien enye eyefɔp enye ke ikaŋ.

JEREMIAH 44:11

Mmɔdo ntem ke Jehovah mme udim, Abasi Israel, ɔdɔhɔ ete, Sese, ami mmɔŋ ŋwuk iso mi nse mbufo ke idiɔk, man nnyuŋ nsibe ofuri Judah mfep:

EZEKIEL 14:8

ndien nyewuk iso mi nse owo oro, nnyuŋ nnim enye ke idiɔŋɔ ye ke ufiet, nnyuŋ nsibe enye ke otu ikɔt mi mfep; ndien mbufo eyefiɔk ete ke ami ndi Jehovah.

EZEKIEL 15:7

Ndien nyewuk iso mi nse mmɔ; mmɔ eyeto ke ikaŋ kiet, ndien ikaŋ eŋwen eyeta mmɔ: ndien mbufo eyefiɔk ete ke ami ndi Jehovah, eke ŋwukde iso mi nse mmɔ.

EZEKIEL 33:25

Dɔhɔ mmɔ ndien, ete, Ntiem ke Ɔbɔŋ Jehovah ɔdɔhɔ, ete, Mbufo ke eta unam ekɔrɔ ke iyip, enyuŋ emenere enyin mbufo, ese ibɔk mbufo, enyuŋ eduɔk iyip: nte mbufo ndien edida isɔŋ enyene?

EZEKIEL 44:7

koro mbufo emade mbon idut emi minaŋa mbobi ke esit, minyuŋ inaŋa mbobi ke obukidem, eduk, man mmɔ edu ke edisana ebiet mi, enyuŋ esabare ufɔk mi, ke adaŋemi mbufo edade uyo mi, ye ikpɔŋ, ye iyip edisɔk; ndien mmɔ ebiat ediomi mi, oto ke kpukpru mbubiam mbufo.

LEVITICUS 17:11

Koro uwem unam odude ke iyip: ami mmonyuŋ nda enye, ndori ke itie-uwa nnɔ mbufo, ndisio isop nnɔ ukpɔŋ mbufo: koro edide iyip osio isop ɔnɔ ukpɔŋ.

LEVITICUS 19:26

Mbufo ekuta unam ye iyip esie: ekutiene idiɔŋ, ekunyuŋ enam ibɔk.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

LEVITICUS 3:17

Emi edidi nsinsi ewuhɔ ke ofuri emana mbufo, ke kpukpru ebiet eke mbufo eduŋde: mbufo ekuta baba ikpɔŋ, ekunyuŋ edia iyip.

AMOS 9:4

ndien edieke edisaŋade ke otu mbon ntaŋ mfep ke iso mme asua mmɔ, nyeteme ofut mi, nte oto aka okowot mmɔ do: nyenyuŋ ŋwuk enyin mi nse mmɔ ke idiɔk, nsehe ke mfɔn.

UTOM MME APOSTLE 15:20

edi iwet inɔ esɔk mmɔ ite, mmɔ etre ido ndem emi asabare owo, enyuŋ etre use, ekunyuŋ eta unam eke eyiride yiri, ekunyuŋ eta iyip.

UTOM MME APOSTLE 15:29

ete mbufo ebet mme ŋkpɔ eke ewade enɔ ndem, ye iyip, ye unam eke eyiride yiri, enyuŋ etre use; ema ekpeme idem ke ŋkpɔ emi, eyefɔn ye mbufo. Etie suŋ.

DEUTERONOMY 12:16

Edi mbufo ekudia iyip; mbufo eduɔk enye ke isɔŋ nte mmɔŋ.

DEUTERONOMY 12:23

Edi tim kpeme, kudia iyip: koro iyip edide uwem: kudia uwem ndien udian ye unam.

DEUTERONOMY 15:23

Edi kudia iyip esie; duɔk enye ke isɔŋ nte mmɔŋ.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

1 SAMUEL 14:32

Ndien kpukpru owo ebumere ebine mbume, enyuŋ emum ŋkpri ufene, ye enaŋ, ye nditɔ enaŋ, ewot mmɔ ke isoŋ, mbio oro enyuŋ eta mmɔ ye iyip.

1 SAMUEL 14:33

Ndien etiŋ enɔ Saul, ete, Sese, mbon emi ke ededue Jehovah, koro mmɔ etade unam ye iyip. Ndien enye ete, Mbufo ke enam idiɔk-ŋkpɔ: mbufo ekpat akamba itiat esɔk mi ke emi.