LEVITICUS 16:4 - Edisana ñwed Abasi Ibom

⁴ Yak enye esine edisana ɔfɔŋidem linen, onyuŋ esine ɔfɔŋ-ukot linen ke idem, onyuŋ ɔbɔbɔ ubɔp-isin linen, onyuŋ ayara mitre linen; mme mmɔ emi edi edisana edisine-ŋkpɔ; ndien yak enye eyet idem esie ke mmɔŋ, ndien esine mmɔ.

LEVITICUS 16:4 ပူးပေါင်းရင်းမြစ်များ

EXODUS 28:2

Nyuŋ nam edisana edisine-ŋkpɔ ubɔŋ ye uyai nɔ Aaron eyen-uka.

EXODUS 29:4

Ndien da Aaron ye nditɔ esie saŋa kpere enyin-usuŋ tent esop, nyuŋ yet mmɔ mmɔŋ.

EXODUS 30:20

ke ini mmɔ edukde ke tent esop, yak mmɔ eyere mmɔŋ, man ekukpa; ye ke ini mmɔ esaŋande ekpere itie-uwa ndinam ŋkpɔ, ndifɔp uwa ikaŋ nnɔ Jehovah.

EXODUS 40:12

Ndien da Aaron ye nditɔ esie, saŋa kpere enyin-usuŋ efe esop, keyet mmɔ mmɔŋ.

ISAIAH 53:2

Ndien enye okotibe nte nsehe ke iso esie, ye nte oruŋ eke otode edisat isɔŋ: enye inyeneke ubɔŋ, inyuŋ inyeneke uyai; ndien nnyin ise enye, edi inyeneke ŋwut-idem eke nnyin ikoyomde enye.

EZEKIEL 44:19

Ndien adaŋaemi mmɔ ewuɔŋɔde eka akwa okure, kpa akwa okure etiene mbio-obio, yak mmɔ esioŋo ɔfɔŋ idem mmɔ emi enamde ŋkpɔ ke esit; eda mmɔ enim ke edisana ubet, enyuŋ esine edisine-ŋkpɔ eŋwen; ekunyuŋ eda edisine-ŋkpɔ mmɔ enim mbio-obio ke ndisana.

EZEKIEL 9:2

Ndien sese, owo itiokiet eto ke enyɔŋ-enyɔŋ usuŋ inua-otop emi esede edem edere, kpukpru owo ye ŋkpɔ ekɔŋ mmɔ ke ubɔk; owo kiet emi esinede ɔfɔŋ-idem linen onyuŋ odu ke otu mmɔ, ndien enye ɔkɔŋɔ ekpeme ewet-ŋwed ke isin esie: ndien mmɔ eduk edida ke ŋkaŋ itie-uwa okpoho.

LEVITICUS 16:23

Ndien Aaron ediduk ke efe esop, osio edisine-ŋkpɔ linen emi enye esinede ke ini odukde ke edisana ebiet, ayak mmɔ onim do:

LEVITICUS 16:24

ndien yak enye eyet idem esie ke mmɔŋ ke edisana ebiet, onyuŋ esine edisine-ŋkpɔ esie, ndien ɔwɔrɔ, aka akawa edifɔp uwa-esiemɔ, ye edifɔp uwa mbio-obio,

LEVITICUS 16:32

Ndien oku emi ediyetde enye aran, emi edinyuŋ eyɔhɔde enye ubɔk, man enye ada oku ke ibuot ete esie enyene ndisio isop, nnyuŋ nsine edisine-ŋkpɔ linen, kpa edisana edisine-ŋkpɔ:

LEVITICUS 6:10

Ndien yak oku esine linen ekura esie, onyuŋ esine linen ɔfɔŋ-ukot ke obukidem esie, ndien osio ntɔŋ eke ikaŋ akatade edifɔp uwa anam ke itie-uwa, efep, ɔkpɔnɔre onim ke ŋkaŋ itie-uwa.

LEVITICUS 6:3

mme ke enye onyuŋ okutde ŋkpɔ eke osopde, onyuŋ akaŋ enye, onyuŋ otomo esin ke nsu; ke abaŋa ŋkpɔ emi ekededi eke owo akam anamde, onyuŋ eduede ke esit:

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

ŊWED MBON PHILIPPI 2:7

edi Enye akaŋwaŋa idem Esie, ada mbiet ofin, owut idem nte owo; ndien sia Enye ɔwɔrɔde edi ke ido owo,

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 2:14

Sia nditɔ ebuanade ndien ke iyip ye obuk, Jesus ke Idem Esie ŋko etiene ada iyip ye obuk kpa ntre; man Enye akpasaŋa ke mkpa osobo enye emi akamade odudu mkpa,

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;